Ujuni 30:17 - Mankanya

¹⁷ Naşibaţi aŧiink Leya, kë amobana kayiŋ abuk napoţ ñiinţ. Bapoţ biinţ biki abukaruŋ Yakob bawo kañeen.

Ujuni 30:17 Referans Kwoze

Luk 1:13

kë uwanjuŧ uşë jaka : « Ŧakariya, wutan kalënk ! Uko wi iñehanuŋ, uŧiinkana du Naşibaţi : Eliŧabet aharu, aluŋ kabukaru napoţ ñiinţ, luŋi iţu'a katim ki Yowan.

Ppën 3:7

Kë Nawat Kabuka aşë kak aji na a : « Dwin bnuura jibi bakhajani pntaali pi naan du Ejiptu ; dŧiink baka kë bakwooni wi bakhajanuŋ baka. Aa, dme mnhaj mi baka.

Ujuni 30:22

Naşibaţi aleş Rakel abot aŧiinka, adola kë akak abuk.

Ujuni 30:6

Rakel aji : « Naşibaţi awayëşaan, aŧiinkën, awulën napoţ ñiinţ. » Ukaaŋ kë aţu'a katim ki Dan.

Ujuni 30:16

Kë wi Yakob akpënnuŋ uţeeh na utaakal, kë Leya aşë pën akita aji na a : « Meeţ di naan di di ikfëruŋ nţa, ţiki dwul wul mnko mi abuk naan ihilna ibi na nji. » Kë afër na a uŧejan mënţ.

Ujuni 30:18

Aji : « Naşibaţi alukën, ţiki dwul ayin naan nalempar naan. » Aţu abukul katim ki Iŧaakar.