Ujuni 29:16 - Mankanya

¹⁶ Kë Laban aşë ka bapoţ baaţ batëb : katim ki naŧeek kawo Leya kë ki nabaaşa kawo Rakel.

Ujuni 29:16 Referans Kwoze

Rut 4:11

Kë bantohi na bañaaŋ bŧi banwooŋ du plëman kë baŧeem aji : « Ŋwo bamaar », aşë ñehan aji : « Ŋñehan Yawe Nawat Kabuka ado ñaaţ ankneejuŋ du katohu anaam ji bi Rakel na Leya, banŧumanuŋ pntaali pi Iŧrayel bukal batëb ţañ. Nawat Kabuka aţenu inaţ iliinŧ ţi Efrata ibot imeeţana ţi Betleyem.

Ujuni 49:31

Dul di Abraham na Ŧaara aharul bamoynaaniiŋ ; kë dul di Iŧaak na Rebeka aharul bakaaŋ amoynaana ; kë dul di mmoynuŋ Leya.

Ujuni 46:15

Bukuŋ bawooŋ biinţ biki Leya abukaruŋ Yakob du Padan Aram, na bababul aţu na Dina abukul ñaaţ. Bawo iñeen ŋwajanţ na bawajanţ.

Ujuni 35:23

Biinţ biki abukuŋ na Leya bawo : Ruben bajeenul, Ŧimeyoŋ, Lewi, Yuda, Iŧaakar, na Ŧabulon.

Ujuni 31:4

Yakob ado kë badu bi Rakel na Leya baya baţënka du uţeeh wi awooŋ na batani bi nul.

Ujuni 30:19

Leya akak amobana kayiŋ, napoţ ñiinţ i abukuŋ awooŋ napaajanţën i abukaruŋ Yakob.

Ujuni 29:17

Leya anuura këş, kë uleef na kaara yi Rakel işë nuura.

Ujuni 33:2

Aţu baaţ balemp na babuk baka ţi kadun, kë Leya ayeenk na biki nul, Rakel kë abaañşaan na Yoŧef.

Ujuni 29:15

Laban aji na Yakob : « Pwo ayimi naan paţu ido kalemparaan bë iinkdo kaluka i ? Ţupaan uko wi iŋaluŋ nluku. »