Ujuni 29:13 - Mankanya

¹³ Wi Laban amehaŋ me kë Yakob, abuk aţa'ul, i i Rakel akjakuŋ, aşë ţi aya ayit na a, abaan amooka aşë ţija katohul. Yakob akakalëşa uko unţëpuŋ bŧi.

Ujuni 29:13 Referans Kwoze

Ujuni 24:29

Ul Rebeka, aka naweekul ñiinţ i katim kawooŋ Laban, Laban mënţ aţi aya du ñiinţ du pliik.

Baromeŋ 16:16

Nawuladën mboş an bŧi naboofar bboofar banyimanuŋ. Knŧuk ki banfiyaaruŋ Kriŧtu bŧi kawulan mboş.

Ulemp 20:37

Kë bañaaŋ bŧi başë wooni, amook Pawulu ţi pwayşër na a.

Luk 7:45

Iimmookën wi mbiiŋ, kë ul aşë bi kabootën boot ihoţ wi mbiinuŋ.

Ppën 18:7

Moyiŧ apën abi akita, aŋup ţi kadunul, aboota, kë wi bawuladuŋ mboş aba, baya du kaloona ki Moyiŧ.

Ppën 4:27

Kë Nawat Kabuka aşë ji na Aaron : « Yaan du pndiiş iyit na Moyiŧ. » Kë ayaa, ayit na a du pnkuŋ pi Naşibaţi aşë mooka.

Ujuni 45:15

Akak aya amook babuk aşin bŧi aşë wooni, wi ayompuŋ kë başë ţëlşër na a.

Koloŧ 4:5

Woli nawo na banwooŋ baanwo biki Kriŧtu, uko bŧi wi nakdoluŋ nadoon kado wa na uşal unŧuŋa, ŋyaaş bŧi wi nahilanuŋ.

Ujuni 24:31

Laban aji na ñiinţ : « Biini, iwi i Nawat Kabuka awuluŋ bnuura bi nul ! We ukaaŋ kë iduka du bdig ba te dboman katoh ala dko di ikţuuŋ ŋnŧaam ŋi nu ? »

Ujuni 33:4

Eŧawu aţi aya ayit na a, alut amooka, kë başë wo ţi ŋwooni.

Ujuni 24:32

Ñiinţ abi awala ţi katoh, kë Laban afënëşa ŋnŧaam, aşeef ujaagal abot awul ŋa uko ude. Awul ñiinţ na bangakandëruŋ na a meel bañowna ihoţ.