Ujuni 20:3 - Mankanya

³ Na uŧejan, Naşibaţi apën awinana ţi kadunul na ŋţaafi aji na a : « Ñaaţ i iyeenkuŋ aţu ikeţ ţiki aniimaa. »

Ujuni 20:3 Referans Kwoze

Maci 27:19

Kë wal wi aţooŋ du uruha awayëş, kë aharul aşë yil kë baji na a, awut kaneej ţi bţup bi ñiinţ naŧool uŋ, ţiki aţu nţa kë anoor maakan ţi ŋţaafi.

Ujuni 20:7

Hënkuŋ kakaan ñiinţ uŋ aharul ţiki awo naţuparaan. Aluŋ kañehandëru ibuurna. Woli iinkakana, kkeţ iwi na biki katohu bŧi. »

Maci 1:20

Jibi awooŋ na uşal waŋ, kë uwanjuŧ wi Ajugun uloŋ uşë pën awinana ţi ŋţaafi aji na a : « Yoŧef, abuk Dayiţ, kkali pyeenk Mariya du katohu, awo aharu. Uhaaş wi Naşibaţi ukaaŋ kë awo na kayiŋ.

Ujuni 28:12

Wi akŋoyënţuŋ aşë ţaafi awin uko ji ŋdiir kë ŋaŧëf ţi mboş te baţi, ŋwanjuŧ ŋi Naşibaţi kë ŋakpaya awala.

Yonaŧ 3:4

Yonaŧ ajunna ado unuur upëb apoş na ubeeka aşë ţup bañaaŋ aji : « Naŧiinkan, uduka ŋnuur iñeen ŋbaakër Niniwe daşë daŧoka. »

Ujuni 40:8

Baŧeema aji : « Ŋţaafii, kë nin aloŋ ţi aşë wo aanhil hil pţupun uko wi ŋţaafi ŋajakuŋ. » Kë Yoŧef aşë aji na baka : « Naşibaţi ajaaŋ aţup uko wi ŋţaafi ŋajakuŋ, kë nşë kooţan, naţupaan ŋa. »

Ujuni 37:9

Yoŧef akak aţaafi kak aţup babuk aşin aji : « Natenan, dkak aţaafi kak kë uwo wo ji bnuur, pli na ŋjah iñeen na uloolan ŋaŋup ţi kadun naan. »

Ujuni 37:5

Unuur uloŋ, Yoŧef aţaafi aşë ţup ŋa babuk aşin, kë bukal babaa şoora şoor maakan apel.

Ujuni 31:24

Na uŧejan, Naşibaţi apën ţi ŋţaafi awinana ţi kadun ki Laban naharameeŋ, aji na a : « Ţaafaraan, meen jibi ikyaaŋ kaţiini na Yakob. »

Ujuni 12:17

Kë Nawat Kabuka aşë ţu Farawuna na katohul pwuţan pweek, ţiki ajej Ŧaaray ahar Abram.

Ujuni 12:18

Farawuna adu Abram wal mënţ aşë ji na a : « We wi idolnuŋ hënk ba ? We ukaaŋ kë iinţupën aji awo aharu ?

Ujuni 40:5

Uka uŧejan uloŋ wi bukal batëb bŧi, naboman poot na najuŋ baţaafiiŋ, ŋţaafi ŋi andoluŋ ŋaka uko wi ŋajaki.

Ujuni 46:2

Na uŧejan mënţ, Naşibaţi aţiini na Iŧrayel ţi ŋţaafi aji na a : « Yakob, Yakob » kë aŧeem aji : « Nji wi. »