Ujuni 17:7 - Mankanya

⁷ Ddo bhoŋar na iwi, na pntaali pankmbiiŋ ţi kafeţu woli ikeţi. Bhoŋar mënţ bawo te mnţo, hënk dluŋ kawo Naşibaţi i nu na i pntaali pankmbiiŋ ţi kafeţu.

Ujuni 17:7 Referans Kwoze

Ujuni 26:24

Kë Yawe Nawat Kabuka aşë pën awinana ţi uŧejan mënţ aji na a : « Nji dwooŋ Naşibaţi i Abraham şaaş ajaaŋ adëman, wutan kalënk, dwo na iwi. Dwulu bnuura kabot kado pntaali pankpënnuŋ ţi iwi paŧum, ţiki dleş Abraham nalempar naan. »

Ulemp 2:39

Kahoŋ ki nul kawo ki nan, na babukan, na banlowuŋ bŧi, na biki Naşibaţi Ajugun akluŋ kadu'ara. »

Ujuni 15:18

Kë unuur mënţ, Nawat Kabuka ado bhoŋar na Abram, aji na a : « Dluŋ kawul mboş mi pntaali pampënuŋ ţi iwi, kapënna bdëk bi Ejiptu, te kaban bdëk bweek bi Ewufrat.

Bahebërë 8:10

Nji Ajugan dkak aţiini aji : woli ŋnuur mënţ ŋaţëpi bhoŋar bi nji kaluŋ kado na pntaali pi Iŧrayel bii bi : dluŋ kapiiŧ bgah bi naan ţi uşal wi baka dluŋ kapiiŧ ba ţi ŋhaaş ŋi baka, dluŋ kawo Naşibaţi i baka, kë bakluŋ kawo pntaali pi naan.

Bahebërë 11:16

Kë başë bi ŋal uŧaak unnuurnaaniiŋ, uwooŋ uŧaak wi baţi. Uko mënţ ukaaŋ kë Naşibaţi aankowa pdo kadu'ana Naşibaţi i baka, aboman baka ubeeka.

Ujuni 28:13

Kë Yawe Nawat Kabuka aşë pën awinana aji : « Nji dwooŋ Yawe Nawat Kabuka, Naşibaţi i Abraham ateemu na Iŧaak bajaaŋ badëman. Mboş mi ipiinţuŋ mi dwulu ma iwi na pntaali pankpënnuŋ ţi iwi.

Baromeŋ 9:4

Bawo biki pntaali pi Iŧrayel, akuţ awo biki Naşibaţi adatuŋ bawo babukul. Naşibaţi adiiman baka mndëm mi nul. Ado bhoŋar na baka abot awul baka bgah bi nul na idolade yi pdëmanaan Naşibaţi na iko bŧi yi ahoŋuŋ.

Markuŧ 10:14

Wi Yeŧu awinuŋ uko mënţ aşë deebaţ, aji na baka : « Nawutan bapoţ babi ţi nji, nakneenan baka ţiki Pşih pi Naşibaţi pawo pi banwooŋ ji baka.

Maci 22:32

“Dwo Naşibaţi i Abraham, i Iŧaak, na i Yakob.” » Yeŧu akak aji na baka : « Naşibaţi awo i bañaaŋ bajeb, aanwo i bankeţuŋ. »

Ppën 6:4

Ddo bhoŋar na baka aji dwul baka uŧaak wi Kanaan, uŧaak wi babiiŋ awo ţfa bayaanţ.

Ppën 3:15

Naşibaţi akak aji na Moyiŧ : « Jakan na bañaaŋ biki Iŧrayel kë Nawat Kabuka, Naşibaţi i başinan bajaaŋ badëman, Naşibaţi i Abraham, i Iŧaak na Yakob ayiliiŋ ţi baka. Katim naan ki kaŋ te mnţo, katim ki bañaaŋ biki ŋwal bŧi bakdooŋ kadëmanaanën.

Ppën 3:6

Nji dwooŋ Naşibaţi i şaaş ajaaŋ adëman, Naşibaţi i Abraham, i Iŧaak na i Yakob bajaaŋ badëman. » Wal mënţ kë Moyiŧ aşë gur kaara di ŧul ţiki aţi pten Naşibaţi.

Efeŧ 2:2

Nabi yuuj kë naţaş bgah bwuţaan bi umundu, aţaş Unŧaayi Uweek wi, unkţoŋuŋ hënkuŋ bañaaŋ bampokuŋ pŧiink Naşibaţi.

Ujuni 6:18

Kë nji nşë do bhoŋar na iwi, luŋi ineej ţi upuur iwi na aharu na babuku, na bahar baka.

Ujuni 17:13

Hënk, babukale ţi katohu këme anugana nugana na itaka yi nu, bawo biki kawala kaŧëmp. Bhoŋar bankwinaniiŋ ţi ŋleef ŋi nan bawo bhoŋar banwooŋ baankba.

Ujuni 17:19

Kë Naşibaţi aşë ŧeema aji : « A-a, Ŧaara aharu abukaru napoţ ñiinţ, i ikluŋ kaţu katim ki Iŧaak. Dluŋ kado bhoŋar na a te mnţo, kado ba na pntaali pankpënnuŋ ţi a.

Ppën 6:7

Ddolan nawo pntaali pi naan, nji nşë wo Naşibaţi i nan. Name wal mënţ kë nji dwooŋ Nawat Kabuka, Naşibaţi i nan ankpënananaŋ ţi ŋlemp ŋi biki Ejiptu baţu'anaŋ.

Bgah 11:45

Nji dwooŋ Yawe Nawat Kabuka, andolanaŋ kë napën du uŧaak wi Ejiptu, kawo Naşibaţi i najaaŋ nadëman naşë nayiman ţiki nji dyimani.

Ujuni 9:16

Woli kaŋaanan ki ubopal kapën awinana du baţi, dwin ka, kaşë kaleş kahoŋ kanwooŋ kaankba ki nji Naşibaţi ndoluŋ na bañaaŋ bŧi na ŋko bŧi ŋanwooŋ ţi mboş. »