Ujuni 15:13 - Mankanya

¹³ Kë Nawat Kabuka aşë ji na a : « Iwo i kame kë babuku baluŋ kawo bayaanţ du mboş manwooŋ maanwo mi baka, mi bakluŋ kakak kado kajuuknţën baka ţi ulemp, baluŋ kahajan baka ŋşubal iñeen-week ŋyaaş ŋbaakër (400).

Ujuni 15:13 Referans Kwoze

Ppën 1:11

Kë bajej bañaaŋ baloŋ aţu baka kë bakten ulemp wi biki Iŧrayel bahilna baţu baka ŋlemp ŋtam. Kë hënk di di baţuuŋ baka pniw ubeeka wi Pitom na wi Ramŧeŧ kë ŋawo inkuŧi yi Farawuna naşih i Ejiptu.

Ulemp 7:17

« Kë wal wi uko wi Naşibaţi ahoŋuŋ Abraham ubanuŋ ţi pdolana, pntaali pi nun paŧumi, aşë ŧuma ŧum pya ţi Ejiptu.

Galaŧiya 3:17

Uko wi nji ŋaluŋ kaţupan wii wi : Naşibaţi abi hoŋ Abraham, kë bgah bambaaŋ abi bi wi ŋşubal iñeen week ŋyaaş ŋbaakër na iñeen ŋwajanţ (430) ŋaţëpuŋ baanhilan pgar kahoŋ mënţ, këme kaŧok uko wi Naşibaţi ajakuŋ.

Bgah 19:34

Nayaanţ anwooŋ ţi pŧoofan awo kawo ji ayiţan, nawo kaŋala jibi naŋaluŋ ŋleefan, naleşan kë nabi wo bayaanţ du uŧaak wi Ejiptu. Nji dwooŋ Yawe Nawat Kabuka, Naşibaţi i nan.

Ujuni 17:8

Mboş mi Kanaan bŧi mi iwooŋ nţa nayaanţ ţi ma, dluŋ kawulu ma ika te mnţo, iwi na pntaali pankmbiiŋ ţi kafeţu, dluŋ kawo Naşibaţi i baka. »

Ppën 23:9

« Iinkhajan nayaanţ ; an ţi ŋleefan name uko unwooŋ pwo nayaanţ, ţiki nabi wo bayaanţ du Ejiptu. »

Ppën 22:21

« Nawutan kaŋotna ñaaţ nayoţ, këme napoţ anwaaŋuŋ aşin.

Ujuni 15:16

Bakak ţi, woli uraan ubaakanţën ubii, ţiki te wal mënţ pjuban pi bahamorit paandobi ţëplën. »

Ujuni 47:4

Bakak aji na Farawuna : « Ŋbi bi pyaanţ ţi uŧaak wi, ţiki ubon uweek uwo du Kanaan, kë pjaagal paankak awo pa itani yi balemparu. Ţenun hënkuŋ ŋya ŋfëţ du Goşen. »

Ppën 1:13

Wal mënţ banaţa phajan biki Iŧrayel na kmëni.

Ppën 2:24

Naşibaţi aŧiink mnţëg mi baka aşë leş bhoŋar bi adoluŋ na Abraham, Iŧaak na Yakob.

Ppën 3:8

Dbi bi ppënan baka kabuuran baka ţi iñeen yi bañaaŋ biki Ejiptu bankhajanuŋ baka, kañooţ baka du uŧaak uloŋ unnuuriiŋ abot adëm, uŧaak unŧumi mntow na mnob, uŧaak wi bañaaŋ biki Kanaan na bahitit na bahamorit na baperiŧit, wi bahiwit na bayebuŧit bafëţuŋ.

Ppën 3:10

dyilu hënkuŋ du Farawuna. Yaan, ipënan bañaaŋ biki Iŧrayel, pntaali pi naan, du Ejiptu. »

Ppën 3:17

Kë nşë hoŋ aji dpënanan ţi mnhaj du Ejiptu kañooţan du uŧaak wi bañaaŋ biki Kanaan, bahitit na bahamorit, wi baperiŧit na bahiwit na bayebuŧit bafëţuŋ, uŧaak unŧumi mntow na mnob.”

Ppën 1:14

Bahajan baka na pnag kafuuş, na pdo induba, na ŋlemp ŋi uţeeh, na ŋlemp ŋŧum ŋloŋ kak. Baţu baka pdo ŋlemp ŋantamnuŋ na kmëni.