Ujuni 15:1 - Mankanya

¹ Wi iko mënţ iţëpuŋ, Yawe Nawat Kabuka ahaabëş Abram këş apën awinana ţi kadunul aji na a : « Abram, wutan kalënk ! Dwo ubeel wi nu, dluŋ katuumu bnuura. »

Ujuni 15:1 Referans Kwoze

Ujuni 26:24

Kë Yawe Nawat Kabuka aşë pën awinana ţi uŧejan mënţ aji na a : « Nji dwooŋ Naşibaţi i Abraham şaaş ajaaŋ adëman, wutan kalënk, dwo na iwi. Dwulu bnuura kabot kado pntaali pankpënnuŋ ţi iwi paŧum, ţiki dleş Abraham nalempar naan. »

Luk 12:32

Yeŧu akak aji na baka : « An nanwooŋ batani bmpoţi, naklënk, ulil Aşinan kë awulan Pşihul.

Kañaam 18:2

Abëţ aji : Iwi Yawe Nawat Kabuka iwooŋ nayeŋ i naan, dŋalu.

Rut 2:12

Dñehan Nawat Kabuka aluku uko wi idoluŋ ! Ibot iyeenk katuum kanuura kanwoonuŋ du Nawat Kabuka Naşibaţi i Iŧrayel, i ibiiŋ amena ţi ibaaklu yi nul ! »

Luk 1:13

kë uwanjuŧ uşë jaka : « Ŧakariya, wutan kalënk ! Uko wi iñehanuŋ, uŧiinkana du Naşibaţi : Eliŧabet aharu, aluŋ kabukaru napoţ ñiinţ, luŋi iţu'a katim ki Yowan.

Ujuni 21:17

Naşibaţi aŧiink napoţ kë akwooni, kë uwanjuŧ wi nul uşë duuna Hagar du baţi aji na a : « Hagar, we wa ba ? Klënk, Naşibaţi aŧiink ŋwooni ŋi napoţ du dko di ibëkanuluŋ.

Luk 1:30

Uwanjuŧ kë uşë ji na a : « Mariya, wutan kalënk ; Naşibaţi awulu bnuura bi nul.

Maci 8:26

Kë Yeŧu aşë ji na baka : « We ukaaŋ kë naklënk ba, an nanwooŋ naanfiyaar akëşan ? » Anaţa wal mënţ, aŋoman na uyook na meel mi bdëk kë dko dayompandëri.

Ppën 14:13

Moyiŧ aŧeem baka aji : « Naklënk nin uko uloŋ, namëbaan naliinŧ, nawin uko wi Nawat Kabuka akdoluŋ nţa kabuuranaanan. Bañaaŋ biki Ejiptu biki nakwinuŋ nţa hënk, naankak awin baka.

Uko wi ayuujuŋ Yowan 1:17

Wi nwinuluŋ, djot ţi ihoţul awo ji ñaaŋ akeţuŋ keţ. Kë aşë pafën kañenul kadeenu ajakën : « Wutan kalënk ; nji dwooŋ najuni akuţ awo nabaañşaani.

Bahebërë 1:1

Naşibaţi aţëpna ţfa ţi baţuparul ŋyaaş ŋŧum ado kë bado iko iŧum aţiiniyaan na bateem nja.

1 Korinŧ 3:22

uwole Pawulu, uwole Apoloŧ, këme Kefaŧ, uwole umundu, uwole ubida, këme pkeţ, këme uko wi nţa na wi faan, an nakaaŋ iko bŧi na bañaaŋ bŧi.

Ulemp 10:22

Baŧeema aji : « Naweek i bangoli, Korneliyuŧ, ñaaŋ naŧool, anfiyaaruŋ Naşibaţi, kë bayuday bŧi bamagana, ayiluŋ un. Uwanjuŧ wi Naşibaţi uloŋ ujakuŋ na a aji awo kadu'u du katohul kaŧiinku iţupa uko wi iwooŋ kaţupa. »

Maci 28:5

Kë uwanjuŧ uşë ji na baaţ bukuŋ : « An, nawutan kalënk : dme kë nala Yeŧu i bapaŋuŋ.

Ujuni 15:2

Kë Abram aŧeema aji : « Nawat Kabuka Naşibaţi i naan, ibaa wulën uko uloŋ wi nji kaluŋ kaya bë mënkka napoţ nadukar wa ? Iinwulën napoţ, Eliyeŧer i ubeeka wi Damaŧ, nalempar naan aloŋ akdukiiŋ na iko yi naan. »

Ujuni 15:4

Kë Nawat Kabuka akak aji na a : « Mënţ ul akdukiiŋ na iko yi nu, napoţ i ikbukuŋ akdukiiŋ na ya. »

Ujuni 31:7

Aşinan, ul kë aşë guuraarën guur : aţëlëş uko wi ŋŧiinkaraanuŋ aji uwo baluk bi naan ŋyaaş iñeen. Kë Naşibaţi aşë wo aandi adolën buţaan.

Ujuni 22:1

Wi iko yaŋ iţëpuŋ, Naşibaţi aŋal pten me Abraham afiyaara kado uko wi akjakuluŋ aşë ji na a : « Abraham. » Kë aŧeem aji : « Nji wi. »

Ujuni 22:20

Wi iko yaŋ iţëpuŋ, baţup Abraham aji Milka kak, ahar Nahor aţa'ul abukara bapoţ biinţ.