Ujuni 12:7 - Mankanya

⁷ Kë Yawe Nawat Kabuka aşë pën awinana ţi kadun ki Abram aji : « Dluŋ kawul pntaali pi nu uŧaak wi. » Wi wi Abram aşaaŋ ado bliit bi mngur kado kaţeŋanaan Nawat Kabuka ampënuŋ awinana ţi kadunul.

Ujuni 12:7 Referans Kwoze

Galaŧiya 3:16

Kë hënk di di uwooŋ kak pa Abraham, wi Naşibaţi adoluluŋ kahoŋ ul na pşini pi nul. Uumpiiŧ aji : « Na bañaaŋ biki pşini pi nul » ji aţiini ţiini uko wi bañaaŋ baŧum, upiiŧ aji : « na ñaaŋ anwooŋ i pşini pi nul » aţiini ţiini uko wi ñaaŋ aloolan. Ñaaŋ mënţan awooŋ Kriŧtu.

Ujuni 17:8

Mboş mi Kanaan bŧi mi iwooŋ nţa nayaanţ ţi ma, dluŋ kawulu ma ika te mnţo, iwi na pntaali pankmbiiŋ ţi kafeţu, dluŋ kawo Naşibaţi i baka. »

Ujuni 17:1

Wi Abram akaaŋ ŋşubal iñeen kañeen kaloŋ na kañeen kaloŋ (99), kë Yawe Nawat Kabuka aşë pën awinana ţi kadunul aji na a : « Nji dwooŋ El Şaday, Naşibaţi Anhiniiŋ iko bŧi ; doon kaţaşën ibot ido kaŧiinkën.

Ujuni 18:1

Unuur uloŋ Abraham aţo ţi plëman pi kaloona ki nul du mnko mnweek mi Mambre wi unuur udiŋuŋ, kë Yawe Nawat Kabuka aşë pën awinana ţi kadun ki nul.

Ujuni 13:15

Uŧaak wi ikwinuŋ wuŋ bŧi dwulu wa, iwi na pntaali pankpënuŋ ţi iwi te mnţo.

Ujuni 13:4

du dko di abiiŋ aniw bliit bi mngur. Kë dul di Abram adëmanaanuŋ Yawe Nawat Kabuka.

Ujuni 13:18

Kë Abram ajej iloona yi nul, aya afëţ du mnko mnweek mi Mamre du Hebroŋ kë dul di adoluŋ bliit bi mngur pa Nawat Kabuka.

Ppën 33:1

Yawe Nawat Kabuka aji na Moyiŧ : « Yaani, napënan ţi dko di, iwi na pntaali pi ipënanuŋ du Ejiptu ; nayaan du uŧaak wi mmehniiŋ aji dwul Abraham, Iŧaak na Yakob, uŧaak wi njakuŋ aji dwul wa bañaaŋ bankpënnuŋ ţi baka.

Ujuni 32:30

Yakob aji na a : « Dkooţu kooţ ţupaan katimu. » Kë aŧeem aji : « We ukaaŋ kë ikheparaan katim naan ? » Aşë ñehandëra bnuura ţi dko mënţan duŋ.

Ujuni 26:25

Iŧaak aboman da bliit bi mngur adëman da Naşibaţi adu'a Nawat Kabuka. Atar da kaloona ki nul ; kë balemparul başë jip da pliik.

Ujuni 12:8

Abram awoona Ŧikem aya du pnkuŋ du umayar unuur wi ubeeka wi Betel, atan da kaloona ki nul, Betel kë dawo ţi kayoba, kë ubeeka wi Ayi uwo ţi umayar unuur wi dko di awooŋ. Ţi dko mënţan di di adoluŋ Nawat Kabuka bliit bi mngur aşë dëmana.

Bahebërë 11:13

Bañaaŋ bakaŋ mënţ bŧi bafiyaar adoo keţ bë baanyeenk iko yi Naşibaţi ahoŋuŋ, aşë winaara ya du kalowan akuţ alilandër ya. Badinan ţi kadun ki bañaaŋ aji bawo wo bayaanţ ţi mboş mi, baanwo biki umundu wi.

Baromeŋ 9:8

Mënţ bampënnuŋ ţi Abraham bŧi keeri bawooŋ babuk Naşibaţi, biki Naşibaţi ahoŋuŋ aji bawo pntaali pi nul bawooŋ babukul.

Ujuni 22:9

Wi babanuŋ du dko di Naşibaţi ajakuluŋ, Abraham aboman bliit bi mngur, apaf da imul aşë tan Iŧaak abukul aţu ţi imul duuţ.

Ujuni 17:3

Abram ajot wal mënţ afëţ kaara ţi mboş, Naşibaţi kë aşë ji na a :

Ujuni 15:18

Kë unuur mënţ, Nawat Kabuka ado bhoŋar na Abram, aji na a : « Dluŋ kawul mboş mi pntaali pampënuŋ ţi iwi, kapënna bdëk bi Ejiptu, te kaban bdëk bweek bi Ewufrat.

Galaŧiya 4:28

Kë an bayiţ naan, nawo ji Iŧaak bapoţ bambukiiŋ jibi Naşibaţi ahoŋuŋ Abraham.

Ppën 6:3

Dpën ţfa awinana ţi kadun ki Abraham, ki Iŧaak, na ki Yakob kë bameenën ţi katim ki El Şaday, Naşibaţi Anhiniiŋ iko bŧi, kë katim ki Yawe Nawat Kabuka mëndo kë bañaaŋ bame ka.

Ujuni 33:20

Aboman da bliit bi mngur, aşë ţu ba katim ki « El Elohe Iŧrayel. »

Ujuni 28:13

Kë Yawe Nawat Kabuka aşë pën awinana aji : « Nji dwooŋ Yawe Nawat Kabuka, Naşibaţi i Abraham ateemu na Iŧaak bajaaŋ badëman. Mboş mi ipiinţuŋ mi dwulu ma iwi na pntaali pankpënnuŋ ţi iwi.

Ujuni 26:3

Ţoon ţi uŧaak wi, dwo na iwi kabot kawulu bnuura. Aa, dwulu mboş mi ŋŧaak ŋi bŧi iwi na pntaali pankpënnuŋ ţi iwi. [Hënk] ddo wal mënţ kahoŋ ki mbiiŋ ado Abraham şaaş.

Ujuni 8:20

Wi wi Nowe aşaaŋ ado bliit bi mngur pa Nawat Kabuka, ajej ŋloŋ ţi ŋko na ţi ŋkaŧ bŧi ŋanhiluŋ pdolna Naşibaţi bţeŋan afiŋara, atër ŋa kë ŋayik bŧi.

Ulemp 7:5

Aanwula nin ufëţ, nin dko dpaf kahoţ du uŧaak mënţ, aşë hoŋa aji aluŋ kawo ajug uŧaak mënţ ul na pntaali pi nul. Wal wi Naşibaţi akdooŋ kahoŋ mënţ, Abraham ahum aandobi buk.

Bahebërë 11:8

Pfiyaar pakaaŋ kë Abraham ado uko wi Naşibaţi ajakuluŋ wi adu'uluŋ ayila, kë aya du uŧaak wi Naşibaţi ahoŋuluŋ bë aamme dko di akyaaŋ.

Ujuni 24:7

Nawat Kabuka Naşibaţi ampënanaanuŋ du katoh ki paapa na du uŧaak wi bayiţ naan, anjaknuŋ abot amehna aji aluŋ kawul pntaali pi naan mboş mi, aluŋ kayil uwanjuŧ wi nul ţi kadunu, ijejna ñaaţ i uŧaak naan pa abuk naan.

Ppën 6:4

Ddo bhoŋar na baka aji dwul baka uŧaak wi Kanaan, uŧaak wi babiiŋ awo ţfa bayaanţ.

Ppën 32:13

Leşan Abraham, Iŧaak, na Iŧrayel balemparu biki imehniiŋ aji na baka : “Ddo bañaaŋ bankpënnuŋ ţi an baŧum ji ŋjah ŋi baţi. Dwul bañaaŋ bankpënnuŋ ţi an uŧaak bŧi wi nţiiniyaanuŋ na an, uwo wi baka te mnţo.” »

Ujuni 13:17

Naţiin iñaay na uŧaak bŧi ţiki dluŋ kawulu wa. »

Ujuni 28:4

Awulu bnuura iwi na pntaali pankpënnuŋ ţi iwi, bnuura bi awuluŋ Abraham, ihilna ika uŧaak wi iwooŋ nţa hënk nayaanţ, wi Naşibaţi awuluŋ Abraham. »

Ujuni 35:7

Aboman da bliit bi mngur aşë du dko mënţ El Betel, ţiki dul di di Naşibaţi apënuŋ awinana ţi kadunul wi akţiiŋ abuk aşin.

Ujuni 35:12

Uŧaak wi nwuluŋ Abraham na Iŧaak dwulu wa, kabot kawul pntaali pankmbiiŋ ţi kafeţu apënna ţi iwi uŧaak wi. »

Ujuni 50:24

Unuur uloŋ, Yoŧef aji na babuk aşin : « Dñogan pkeţ, kë Naşibaţi aşë bi ţi an kapënanan ţi uŧaak wi, kañooţan du uŧaak wi abiiŋ amehna ahoŋ bi Abraham, Iŧaak na Yakob. »

Ppën 17:15

Kë Moyiŧ aşë niw bliit bi mngur da aţu ba katim ki Yawe-Niŧi, Nawat Kabuka awo ubaneel wi naan

Ppën 24:4

Kë Moyiŧ apiiŧ uko wi Nawat Kabuka ajakuŋ bŧi, aşë naţa na nfa kub aniw bliit bi mngur ţi pnkuŋ uţeeh abot anaţan klaak iñeen na ktëb ji mpej pa kntaali iñeen na ktëb ki Iŧrayel.