Ppën 3:8 - Mankanya

⁸ Dbi bi ppënan baka kabuuran baka ţi iñeen yi bañaaŋ biki Ejiptu bankhajanuŋ baka, kañooţ baka du uŧaak uloŋ unnuuriiŋ abot adëm, uŧaak unŧumi mntow na mnob, uŧaak wi bañaaŋ biki Kanaan na bahitit na bahamorit na baperiŧit, wi bahiwit na bayebuŧit bafëţuŋ.

Ppën 3:8 Referans Kwoze

Ujuni 50:24

Unuur uloŋ, Yoŧef aji na babuk aşin : « Dñogan pkeţ, kë Naşibaţi aşë bi ţi an kapënanan ţi uŧaak wi, kañooţan du uŧaak wi abiiŋ amehna ahoŋ bi Abraham, Iŧaak na Yakob. »

Ppën 3:17

Kë nşë hoŋ aji dpënanan ţi mnhaj du Ejiptu kañooţan du uŧaak wi bañaaŋ biki Kanaan, bahitit na bahamorit, wi baperiŧit na bahiwit na bayebuŧit bafëţuŋ, uŧaak unŧumi mntow na mnob.”

Ppën 13:5

Wal wi Nawat Kabuka akluŋ kaneejanan du uŧaak wi amehniiŋ du bateeman aji awulan wa, nado kaţaş udolade wi ţi pli pi. Uŧaak mënţ unwooŋ wi biki Kanaan, wi bahitit, bahamorit, bahiwit na bayebuŧit bafëţuŋ, uŧaak unŧumi mntow na mnob. »

Yowan 6:38

Mënwalnaana du baţi pa pdo uko unlilnuŋ, dbi bi pdo uko wi anyilnuŋ aŋaluŋ ndo.

Ppën 12:51

Unuur mënţan wi wi Nawat Kabuka apënanuŋ biki Iŧrayel du uŧaak wi Ejiptu, kë bakwoona pşini pşini apoş bnuura ji bangoli.

Kañaam 12:5

Ŧokan banjakuŋ aji : « Ŋluŋ kawat na pndemënt pi nun ; ŋka mntum mi nun ; in akşihuŋ un keeri ? »

Ujuni 11:5

Kë Yawe Nawat Kabuka aşë wala ţi mboş pten ubeeka na katoh kaweek ki ŋşoobra ki bañaaŋ bajën bawooŋ ţi pniw,

Yowan 3:13

Nin ñaaŋ aloŋ aampaya baţi Abuk Ñiinţ ţañ [anwooŋ du baţi] awaliiŋ.

Ppën 34:11

Namëbaan bnuura uko wi nji kaţu'anaŋ nţa di pdo. Natenan, ddook ţi kadunan bahamorit, biki Kanaan, bahitit, baperiŧit, bahiwit na bayebuŧit.

Ujuni 18:21

Dya da katen me uko wi bataparuŋ baka uwoha manjoonan, woli uunwo, kame. »

Ujuni 15:14

Kë nji nşë luŋ kakob banjuuknţënuŋ baka, bapën da na bka bŧum.

Ujuni 11:7

Ŋwala hënkuŋ ŋhoŧan uţup wi baka bawut kado kaŧiinkar. »

Ujuni 15:13

Kë Nawat Kabuka aşë ji na a : « Iwo i kame kë babuku baluŋ kawo bayaanţ du mboş manwooŋ maanwo mi baka, mi bakluŋ kakak kado kajuuknţën baka ţi ulemp, baluŋ kahajan baka ŋşubal iñeen-week ŋyaaş ŋbaakër (400).

Ujuni 46:4

Nji kak dwala na iwi du Ejiptu, nji kaluŋiiŋ kapënanu da. Yoŧef awo na iwi ul akluŋ kadëŧu këş woli ikeţi. »

Ppën 5:23

Wi nyahaŋ ya du Farawuna aţupa uko wi ijakuŋ, kë aşë hajan bañaaŋ biki nu, kë işë wo iindo nin uko uloŋ pa pbuuran baka. »

Ppën 12:41

Unuur wi ŋşubal mënţ ŋabaaŋ wi wi bañaaŋ biki intaali bŧi yi Nawat Kabuka ipënuŋ ţi uŧaak wi Ejiptu.

Ujuni 43:11

Kë Iŧrayel aşin baka aşë ji : « Jibi uwooŋ haŋ nadoon uko wi : naţijan iko iloŋ ţi inuurnaaniiŋ ţi uŧaak naţij ñiinţ mënţ, iko iŧaabanaani pde, ilil pţëkën, na ikuraaraani, mnob na mbuk mnloŋ mndoh.

Kañaam 12:6

Bajuuk biki bakhajanuŋ, na bawaaŋ banknţëgiiŋ, bakaaŋ kë iwi Nawat Kabuka iţiini aji : dnaţa, abuuran ñaaŋ i bawuukuŋ atot.