Markuŧ 7:34 - Mankanya

³⁴ aşë kat këş du baţi, awuuk uhefënţ aşë ji na ñiinţ : « Efaŧa » uwooŋ « haabşiin. »

Markuŧ 7:34 Referans Kwoze

Yowan 11:41

Bapënan plaak, kë Yeŧu aşë kat këş du baţi aji : « Paap, dbeebu wi iŧiinknuŋ.

Markuŧ 6:41

Yeŧu ajej wal mënţ ipoom kañeen yuŋ na ŋţëb ŋtëb, akat këş du baţi aşë beeb Naşibaţi ţi iko ide yuŋ, akitëş ipoom awul baţaşarul bawul bañaaŋ. Akak ado kë bafaş baka bŧi ŋţëb ŋuŋ.

Markuŧ 5:41

Ajej kañen ki napoţ aşë ji na a : « Talita kum » uwooŋ : « Poon, djaku inaţa ! »

Ulemp 9:34

Kë Ŧimoŋ Piyeer aşë jaka : « Ayne, Yeŧu ajebanu, naţiin iboman kalişa ki nu bdidi'u ! » kë anaţa ţi dko mënţ.

Yowan 11:33

Yeŧu awina kë akwooni ul na bañaaŋ bangakandëruŋ na a kë uko mënţ uşë de'a maakan.

Markuŧ 15:34

Ţi ŋwoori ŋwajanţ ŋi pnak, Yeŧu kë aşë do pdiim aji : « Eloy, Eloy, lama ŧabaktani » uwooŋ : « Naşibaţi i naan, Naşibaţi i naan, we ukaaŋ kë iwutën ? »

Markuŧ 8:12

Yeŧu awuuk uhefënţ aşë ji : « We ukaaŋ kë kawuuŋ ki kakhepar uko unkndiimanuŋ kë dwo ñaaŋ i Naşibaţi ba ? Dţupan, na manjoonan, nin mënkdiiman kawuuŋ ki uko uloŋ. »

Ulemp 9:40

Ŧimoŋ Piyeer ado kë bapënan bañaaŋ bŧi, aşë ŋup añehan Naşibaţi. Wi awugşiiŋ aŧaaŋ na puum aşë ji : « Tabiŧa naţiin. » Ahaabëş këş, kë wi awinuŋ Ŧimoŋ Piyeer, aşë naţa aţo.

Yowan 11:43

Wi aţiiniiŋ haŋ aşë huuran maakan aji : « Laŧaar, pënan ! »

Bahebërë 4:15

Naşih i baţeŋan naweek i ŋkaaŋ aji miir nja ţi pbiişna pi nja ţiki bawuuka ajuban ţi iko bŧi jibi bawuukuŋ nja ŋjuban kë aambaaŋ kajubanaara.

Yowan 17:1

Wi Yeŧu aţiiniiŋ haŋ aşë kat këş du baţi aji : « Paap, wal ubani. Diimaan mndëm mi Abuku, ahilna adiiman mndëm mi nu.

Yowan 11:38

Uko mënţ ukak ade Yeŧu maakan kë aşë ya du bhër, bajël jël bhër mënţ ţi pnkuŋ, kë plaak padëŧnuŋ ba.

Yowan 11:35

Kë Yeŧu aşë wooni.

Luk 19:41

Wi Yeŧu añoguŋ, awin ubeeka wi Yeruŧalem, aşë ţëgara wa,

Luk 18:42

Yeŧu kë aji na a : « Doon kawin, pfiyaar pi nu pajebanu. »

Luk 7:14

Aya aban kajiiñ ki bapafuŋ puum, bamëbanuŋ ka kë banaţi ; kë aşë ji : « Ndub, iwi i nji kaţiiniyaanuŋ, naţiin ! »

Markuŧ 1:41

Yeŧu kë aşë ñagi'a, atar kañen abana aşë ji : « Aa, dŋali, kakan ijinţ. »

Ppën 2:23

Wi baţooŋ ajon, kë naşih i Ejiptu aşë keţ. Bañaaŋ biki Iŧrayel baţëga abot awooni ţi phaj pi bakhajanuŋ baka ţi ulemp. Kë idiim yi baka iban du Naşibaţi.

Markuŧ 7:35

Ţi dko mënţ, ibaţ ihaabşaa, kë pndemënt pabot afënëşa, kë akţiini bnuura.