Markuŧ 16:10 - Mankanya

¹⁰ Aya aţup uko mënţ bambiiŋ awo na Yeŧu banwooŋ wal mënţ ţi puum awooni.

Markuŧ 16:10 Referans Kwoze

Yowan 20:18

Kë Mariya i ubeeka wi Magdala aşë ya aji na baţaşar Yeŧu : « Dwin Ajugun. » Kë hënk di di akakalëşuŋ baka uko wi ajakuluŋ.

Yowan 16:6

Dwin bnuura kë uko wi nţupanaŋ ukaaŋ kë najooţan maakan hënk.

Luk 24:17

Yeŧu kë aşë ji na baka : « We wi nabaaŋ aţiiniyaan hënk wi nakpoşuŋ ba ? » Kë banaţ, ajooţan.

Markuŧ 14:72

Ţi dko mënţ kë uguk uşë haan uyaaş utëbanţën. Kë Piyeer aşë leş uţup wi Yeŧu abiiŋ aji na a : « Ji uguk udo kahaan uyaaş utëbanţën ipok ŋyaaş ŋwajanţ kaji iimme'ën. » Aţi wal mënţ, apën bdig awooni.

Maci 9:15

Kë Yeŧu aşë ŧeem baka aji : « Ţi unuur wi bniim, ñaaŋ ahilan kado bañaaŋ bambiiŋ bniim bajooţan ji bawo na puum i wal wi naniim ahumuŋ da ? Kë wal uşë bi wi naniim akjejaniiŋ. Bayiman ţi ŋnuur mënţ.

Maci 24:30

« Wal mënţ, iko inkyuujuŋ kë Abuk Ñiinţ abi, iwinana du baţi, kntaali ki umundu bŧi kaluŋ kayewla ; kawin Abuk Ñiinţ abi ţi infëluŋ yi baţi na mnhina na mndëm mweek.

Maci 19:22

Wi naţaşa uŋ aŧiinkuŋ uko mënţ, aşë ya na pjooţan, ţiki ayok maakan.