Markuŧ 15:34 - Mankanya

³⁴ Ţi ŋwoori ŋwajanţ ŋi pnak, Yeŧu kë aşë do pdiim aji : « Eloy, Eloy, lama ŧabaktani » uwooŋ : « Naşibaţi i naan, Naşibaţi i naan, we ukaaŋ kë iwutën ? »

Markuŧ 15:34 Referans Kwoze

Kañaam 22:1

Kayeeh ki pñaamarën Naşibaţi ki kapënna ţi ulibra wi najukan iyeeh. Kaji kayeeh na pdiim pannaamuŋ na pi ubaŧa wi nfa. Kayeeh ki Dayiţ.

Maci 27:46

Wi udooŋ uko ji ŋwoori ŋwajanţ, Yeŧu kë aşë do pdiim aji : « Eloy, Eloy, lama ŧabaktani » uwooŋ : « Naşibaţi, Naşibaţi, we ukaaŋ kë iwutën ? »

Bahebërë 5:7

Wal wi Kriŧtu awooŋ ñaaŋ najën ţi mboş, añehan akuţ akooţ na idiim iweek na mnkuul Naşibaţi anhinanuŋ kabuurana pkeţ. Kë aŧiinka ţiki aji ţaşa bnuura.

Kañaam 71:11

Baji : « Naşibaţi awutana ; nadookaran na a namob, nin aloŋ aanhil kabuurana. »

Kañaam 42:9

Dme kë na pnak Yawe Nawat Kabuka aji diimanaan uŋal wi nul unwooŋ uunkba, na uŧejan aşë kaleşanaan kayeeh ki nul, kaşë kayeeh ka kañehana, ul anjaaŋ awulën ubida.

Ulemp 10:3

Unuur uloŋ na pnak, kaya ŋwoori ŋwajanţ, Naşibaţi ahaabşa këş kë awin bnuura uwanjuŧ wi Naşibaţi uloŋ kë ubi aneej du katohul aşë ji na a : « Korneliyuŧ ! »

Luk 23:46

Kë Yeŧu aşë do pdiim pweek aji : « Paap, dkakan uhaaş wi naan ţi iñen yi nu. » Wi ajakuŋ haŋ, aşë jëmşa.

Luk 23:44

Ţi udiiŋ unuur, unuur umara mara awunana, kë bdëm bawala ţi umundu bŧi, ado ŋwoori ŋwajanţ. Wi wi blaañ bkëm maakan banjaaŋ baneenan bañaaŋ pneej du dko dyimanaan maakan di Katoh Kaweek ki Naşibaţi batowiiŋ ţi pŧoof.

Maci 27:45

Ţi udiiŋ unuur, unuur umara mara awunana, kë bdëm bawala ţi umundu bŧi, ado ŋwoori ŋwajanţ.

Markuŧ 15:25

Wi ŋwoori kañeen kaloŋ ŋabanuŋ wi wi bapaŋuluŋ.

Markuŧ 15:35

Baloŋ banwooŋ da, wi baŧiinkuluŋ, baji : « Naŧiinkan, adu Eli. »