Markuŧ 15:1 - Mankanya

¹ Wi nfa mambanaŋ ban kë baţeŋan baweek başë ţo ayit na bantohi, na bajukan Bgah na bañaaŋ bŧi biki uruha wi bayuday. Bado kë batan Yeŧu aşë ñooţa aya wul Pilat.

Markuŧ 15:1 Referans Kwoze

Ulemp 3:13

Yeŧu i nawuluŋ başih biki nan, i napokuŋ ţi kadun ki Pilat andooŋ abi şal pwutana, Naşibaţi i Abraham, i Iŧaak na i Yakob na i başinun adiiman pdëm pi Yeŧu nalemparul mënţ.

Luk 22:66

Wi unuur ujinţuŋ, bantohi bayuday, baţeŋan baweek na bajukan Bgah kë başë yitiir. Bado kë baţij Yeŧu ţi kadun ki baka,

Kañaam 2:2

We ukaaŋ kë başih biki mboş bakbomandër ugut, kë baweek baŧiinkar aji bagut na Yawe Nawat Kabuka na naşih i akëruŋ ?

Maci 5:22

Kë nji nşë ţupan : Ñaaŋ andeebaţëruŋ aŧënţul aluŋ kaŧeem ţi uko waŋ du nawayëş. Ñaaŋ anjakuŋ na aŧënţul awo nayila aluŋ kahepna ţi uko waŋ du uruha uweek. Ñaaŋ anjakuŋ na aŧënţul awo nawaaŋ udooni awo i kafëlana du bdoo bi infernu.