Markuŧ 14:36 - Mankanya

³⁶ Aji : « Abba, Paap, iwi inhiniiŋ iko bŧi, lowaan mnhaj mi ţi nji ; uşë uwut kawo uko wi nŋaluŋ, wi iŋaluŋ ukdolaniiŋ. »

Markuŧ 14:36 Referans Kwoze

Galaŧiya 4:6

Pa pyuuj kë nawo babukul, Naşibaţi aţu ţi ŋhaaş ŋi nun Uhaaş wi Abukul unjaaŋ uhuuran kaji « Abba, Paap ! »

Yowan 5:30

Nji ţi uleef naan, mënhil pdo nin uko uloŋ, pwayëş pi naan paji pawo pŧool, ţiki ţi uleef naan, mënji kado uko wi nji nŋaluŋ, dji kawayëş jibi anyilnuŋ ajaknuŋ. »

2 Timote 2:13

Woli ŋdeka kafeţ, aji woha na nja kamëban nja, aanhil kalaţ uleeful.

Yowan 12:27

« Hënkuŋ uhaaş wi naan uţëla ţëlaa, kë we wi nji kajakuŋ ? Dwo i kaji na Paapa abuuranaan ţi wal wi i ? A-a, uko waŋ ukaaŋ kë mbii.

Tit 1:2

Mnhaţ mi ubida wi mnţo manwoona ţi iko mënţ. Ubida mënţ, Naşibaţi anwooŋ aanji ţilan ahoŋuŋ wa undiimaan wi apaşuŋ umundu.

Filipiya 2:8

Awalan bkowul adoo wo aampok pok pdo nin uko uloŋ wi Naşibaţi aŋaluŋ, adinan pkeţ, adoo dinan pkeţ ţi kruŧ.

Yowan 18:11

Kë Yeŧu aşë ji na Piyeer : « Kakaan kakej ki nu ţi kabeel ! Işal aji mënkdaan pnkalame pi Paapa awulnuŋ, panwooŋ pi mnhaj ? »

Markuŧ 10:27

Kë Yeŧu aşë jaban baka këş aşë ji : « Bañaaŋ bajën baanhilan pbuuran ŋleef ŋi baka, kë Naşibaţi aşë hil pbuuran baka, ţiki aambiişna biişna nin uko uloŋ. »

Yowan 4:34

Kë Yeŧu aşë ji na baka : « Pde pi naan pawooŋ pdo uko wi anyilnuŋ ajaknuŋ ndo na pbaañëş ulempul.

Maci 26:39

Kë wi ajohariiŋ aya low btiişu aşë jot afëţ kaara ţi mboş añehan Naşibaţi aji : « Paap, woli uhinan kawo, lowaan pnkalame pi mnhaj mi ţi nji, uşë uwut kawo jibi nŋaluŋ, uwoon jibi iŋaluŋ. »

Maci 6:9

« An, keeri, woli nañehan Naşibaţi najaan naji : Aşinun inwooŋ du baţi, bañaaŋ bŧi badinan kë iyamani,

Kañaam 40:8

Kë nşë ji wal mënţ : « Natenan, nji wi, dbi du iwi, dwin ţi ulibra uko wi nwooŋ kaţaş.

Ujuni 18:14

We wi Nawat Kabuka awooŋ aanhinan pdo ? Pkili, ţi wal wi, dkak ţi katohu, uţënk wal mënţ Ŧaara abuk napoţ ñiinţ. »

Bahebërë 6:18

Naşibaţi aanhil kaţup uko unwooŋ uunjoonani, ukaaŋ kë uko wi ahoŋuŋ amehna uunhil kaţëlëş. Hënk, nja ŋnţiiŋ aya du Naşibaţi ŋwo na mntëŋ mnweek kahilna kayeenk uko wi ŋhaţuŋ unkmbiiŋ.

Maci 26:42

Akak aya uyaaş utëbanţën alow baka añehan Naşibaţi aji : « Paap, woli pnkalame pi mnhaj pi paanhilan pţëp bë mënkdaan pa, uko wi iŋaluŋ ukeeriin udolana ! »

Markuŧ 14:37

Yeŧu akak aşë ţënk baţaşarul kë bakŋoyënţ, kë aşë ji na Piyeer : « Ŧimoŋ, iŋoyënţ ? Iinhilan awo bten uwoori uloolan ţañ.

Markuŧ 10:39

Baŧeem aji : « Ŋhili. » Yeŧu kë aşë ji na baka : « Pnkalame pi nji kadaannuŋ, nadaanna pa, batiŧmu bi nji kayeenkuŋ, nayeenk ba.