Markuŧ 12:35 - Mankanya

³⁵ Yeŧu ajej bţup awo ţi pjukan du Katoh Kaweek ki Naşibaţi aji : « Hum di di bajukan Bgah bahilanuŋ kaji Kriŧtu awo abuk Dayiţ ba ?

Markuŧ 12:35 Referans Kwoze

Maci 26:55

Wi wi Yeŧu aşaaŋ aji na pnŧuk pi bañaaŋ puŋ : « Dwo nado buţaan i, kë nado bi pmobën na ikej na induk ? Ŋnuur bŧi dji kaţo du katoh ki Naşibaţi kajukan, kë naammobën.

Yowan 18:20

Kë Yeŧu aŧeema aji : « Na pnak di di nţiiniiŋ na bañaaŋ bŧi. Djon kajukan du itoh iñehanaani na du Katoh Kaweek ki Naşibaţi, di bayuday bŧi bajaaŋ bayitna. Mëmbaaŋ kamena uko uloŋ.

Yowan 7:42

Baampiiŧ ţi Ulibra wi Naşibaţi aji Kriŧtu awo i pntaali pi Dayiţ kapënna Betleyem ubeeka wi Dayiţ i ? »

Luk 21:37

Na pnak, Yeŧu aji wo du Katoh Kaweek ki Naşibaţi kajukan, na uŧejan aşë ya kafër du pnkuŋ pi bajaaŋ bado « Pnkuŋ pi Mnoliwera. »

Luk 20:1

Yeŧu awo unuur uloŋ ţi pjukan du Katoh Kaweek ki Naşibaţi abot aţup Uţup Ulil Unuura, kë baţeŋan baweek na bajukan Bgah başë wuj na bantohi

Luk 19:47

Unuur unjinţi, Yeŧu aji jukan du Katoh Kaweek ki Naşibaţi. Kë baţeŋan baweek na bajukan Bgah na baweek biki bayuday başë la pfiŋa,

Markuŧ 11:27

Yeŧu na baţaşarul bakak Yeruŧalem, kë wi Yeŧu awooŋ du Katoh Kaweek ki Naşibaţi apoş, baţeŋan baweek, bajukan Bgah na bantohi kë başë bi añoga.

Maci 9:27

Yeŧu aŧool pya, kë bakuul batëb başë wo ţi pţaşa aşë huuran aji : « Abuk Dayiţ ñagi'un ! »

Markuŧ 10:1

Wal mënţ kë Yeŧu aşë naţa ţi dko duŋ, aya umbaŋ wi Yuda, amuur bdëk bi Yordan. Bañaaŋ baŧum bakak ayit añoga, kë awo ţi pjukan baka jibi ajonuŋ kado.

Markuŧ 14:49

Ŋnuur bŧi dji kawo na an du Katoh Kaweek ki Naşibaţi kajukan, kë naammobën. Kë uko wi Ulibra wi Naşibaţi ujakuŋ uwooŋ kadolana. »