Markuŧ 12:26 - Mankanya

²⁶ Kë ţi uko wi pnaţa ţi pkeţ, naanleyiir Ulibra wi Moyiŧ ţi dko dankţiiniyaanuŋ uko wi bgof bankyikuŋ, jibi Naşibaţi ajakuŋ na Moyiŧ aji : “Dwo Naşibaţi i Abraham, i Iŧaak, na i Yakob” ? »

Markuŧ 12:26 Referans Kwoze

Luk 20:37

Kë Moyiŧ aţup bnuura aji bañaaŋ baluŋ kanaţa ţi pkeţ. Ţi dko di Ulibra wi Naşibaţi dankţiiniyaanuŋ uko wi bgof bankyikuŋ, adu Ajugun aji, “Naşibaţi i Abraham, i Iŧaak, na i Yakob.” »

Ujuni 33:20

Aboman da bliit bi mngur, aşë ţu ba katim ki « El Elohe Iŧrayel. »

Ppën 3:16

« Yaan hënkuŋ, idu bantohi biki Iŧrayel, iji na baka Nawat Kabuka, Naşibaţi i Abraham, i Iŧaak na Yakob apën awinana ţi kadunu aji : “Dten uko wi nan du Ejiptu, awin uko wi bakdolanaŋ da.

Ujuni 32:9

Aşal aji : « Woli Eŧawu aya jotna bañaaŋ biki kafah kaloŋ, bañaaŋ biki kandukiiŋ bahil kaţi na iko yi bawoonaanuŋ. »

Ujuni 31:42

Woli Naşibaţi, i Paapa na Abraham aşin bajaaŋ badëman, Naşibaţi i Iŧaak akţiiŋ, aanwo lah na nji, kdolën nţiiş iñen ijinţ. Kë Naşibaţi aşë win unoor wi naan na ulemp wi iñen yi naan, kë uŧejan unţëpuŋ kë aşë wayëş nja. »

Ujuni 26:24

Kë Yawe Nawat Kabuka aşë pën awinana ţi uŧejan mënţ aji na a : « Nji dwooŋ Naşibaţi i Abraham şaaş ajaaŋ adëman, wutan kalënk, dwo na iwi. Dwulu bnuura kabot kado pntaali pankpënnuŋ ţi iwi paŧum, ţiki dleş Abraham nalempar naan. »

Markuŧ 12:10

Naanleyiir uko umpiiŧuŋ ţi Ulibra wi Naşibaţi i ? “Pnduba pi baniw bapokuŋ pakakuŋ amëban katoh ;

Ujuni 28:13

Kë Yawe Nawat Kabuka aşë pën awinana aji : « Nji dwooŋ Yawe Nawat Kabuka, Naşibaţi i Abraham ateemu na Iŧaak bajaaŋ badëman. Mboş mi ipiinţuŋ mi dwulu ma iwi na pntaali pankpënnuŋ ţi iwi.

Markuŧ 12:25

Hënk di uwooŋ, woli bañaaŋ baluŋ anaţa ţi pkeţ, biinţ baankdo kajej baaţ, kë baaţ baankniima : bawo wal mënţ ji ŋwanjuŧ ŋi baţi.

Yowan 20:17

Kë aji na a : « Kmëbanaan, mëndo bi paya du Paapa. Yaan iwin bayiţ naan iji na baka dpaya du Paapa, anwooŋ kak Aşin baka, du Naşibaţi, anwooŋ kak Naşibaţi i baka. »

Baromeŋ 11:2

Naşibaţi aampok pntaali pi nul pi adooŋ abi dat dat. Jëm name uko wi Ulibra wi Naşibaţi upiiŧuŋ ţi dko di Eli aŋomanuŋ du Naşibaţi ţi uko wi Iŧrayel ?