Markuŧ 10:6 - Mankanya

⁶ Ţi ujuni, wi Naşibaţi aţakuŋ umundu, ado baka kë bawo ñiinţ na ñaaţ.

Markuŧ 10:6 Referans Kwoze

Ujuni 1:27

Naşibaţi apaş bañaaŋ kë banaam na a : bapaşana anaam na Naşibaţi, apaş baka kë bawo ñiinţ na ñaaţ.

Ujuni 5:2

Wal mënţ ado baka kë bawo ñiinţ na ñaaţ, awul baka bnuura, aşë ţu baka katim aji « Bañaaŋ. »

Ujuni 1:1

Du ujuni Naşibaţi apaş baţi na mboş.

2 Piyeer 3:4

Baluŋ kado kaji : « Yeŧu aanhoŋ aji aluŋ kabi i ? Awo ţuŋ ba ? Wi bateem nja bakeţnuŋ te nţa, iko iwoha wo jibi ibiiŋ awo wi umundu upaşaniiŋ. »

Markuŧ 13:19

Ŋnuur mënţ ŋawo ŋnuur ŋi mnhaj. Mnhaj manwooŋ maambaaŋ kawohara wi Naşibaţi aţakuŋ umundu ; kë mnhaj mnŧënţ muŋ maankak aluŋ kawo nin uyaaş uloŋ kak.

Baromeŋ 1:20

Nin ñaaŋ aambaaŋ kawina Naşibaţi, kë du wal wi apaşnuŋ umundu te hënkuŋ, woli bañaaŋ baten iko yi apaşuŋ, bawin mndëm mi nul manwooŋ maankba kabot kame kë awooŋ Naşibaţi na manjoonan. Bañaaŋ bajën baanhilan kafaŋ ţiki baankdëman Naşibaţi abot ado iko inwooŋ iinwo iŧool.