Markuŧ 10:19 - Mankanya

¹⁹ Ime uko wi bgah bi Moyiŧ bajakuŋ : Iinkfiŋ ñaaŋ, iinkpiinţ na ayin ñaaŋ këme ahar ñaaŋ, iinkkiij, wutan katapar ñaaŋ uko wi awooŋ aandoo, kjej nin uko wi ñaaŋ ţi kaguuru, mëbaan şaaş na naan bnuura. »

Markuŧ 10:19 Referans Kwoze

Baromeŋ 13:9

Bgah baji : « Iinkpiinţ na ahar ñaaŋ », « Iinkfiŋ ñaaŋ », « Iinkkiij », « Iinkñeebar bka bi aŧënţu » na iko iloŋ kak. Kë uţup uloolan uşë ţonkrën iko mënţ bŧi yi bgah bajakuŋ, uwooŋ : « Ŋalan aŧënţu jibi iŋaluŋ uleefu. »

Yakob 2:11

Anjakuŋ, « iinkpiinţ na ahar ñaaŋ këme ayin ñaaŋ » ul akaaŋ aji : « Iinkfiŋ ñaaŋ. » Kë woli iimpiinţ na ahar ñaaŋ këme ayin ñaaŋ, aşë fiŋ ñaaŋ, iinţaş bgah.

Luk 18:20

Ime uko wi Bgah bi Moyiŧ bajakuŋ : “Iinkpiinţ na ahar ñaaŋ këme ayin ñaaŋ, iinkfiŋ ñaaŋ, iinkkiij, wutan katapar ñaaŋ uko wi awooŋ aandoo, mëbaan şaaş na naan bnuura.” »

1 Teŧalonika 4:6

Kë ţi uko mënţ aloŋ awutan kaguur aŧënţul këme kadola uko unkde'uluŋ ţiki Ajugun aji weţan bankjubanuŋ haŋ, jibi ŋdooŋ abi ţupan abot ayuujan bnuura.

Galaŧiya 5:14

Bgah bi Moyiŧ bŧi baţonkrën ţi uţup uloolan ţañ : « ŋalan aŧënţu jibi iŋaluŋ uleefu. »

Galaŧiya 4:21

Naţupaan, an nanŋaluŋ bgah bi Moyiŧ bado kaţoŋan, naanji naŧiink uko wi Moyiŧ apiiŧuŋ i ?

Baromeŋ 3:20

Ukaaŋ kë nin ñaaŋ aanhil kawo naŧool ţi kadun ki Naşibaţi ţi pţaş bgah ţañ : na manjoonan, bgah bado ţañ ñaaŋ ame kë aji juban.

Markuŧ 10:18

Yeŧu kë aşë ŧeema aji : « Imeha kë Naşibaţi ţañ anuuriiŋ, ukaaŋ kë ikdu'ën nanuura i ?