Maci 8:20 - Mankanya

²⁰ Kë Yeŧu aşë ŧeema aji : « Ŋnfëş ŋaka ihër, kë ŋkaŧ ŋaka inŧaŋ, kë Abuk Ñiinţ aşë wo aanka dko dpafni bkow. »

Maci 8:20 Referans Kwoze

Luk 2:7

Kë abuk napoţ ñiinţ, bajeenul. Abooţana na ilaañ, apiinţana ţi kambëŋan, ţiki baanţënkbër aka dko dpiinţ du meeţ di bayaanţ.

2 Korinŧ 8:9

Name jibi Ajugun Yeŧu Kriŧtu adolanaŋ bnuura : ul ambiiŋ awo nayok, an nakaaŋ kë adinan akak nawaaŋ, kahilna kadolan nayokna bwaaŋ bi nul.

Luk 2:16

Hënk di di baŧaranuŋ aya, baţënk Mariya, na Yoŧef, na napoţ aambaaŋ abuka buka, kë apiinţ ţi kambëŋan.

Luk 2:12

Kë hënk di di nakyaaŋ kayikrënaan napoţ mënţ : naţënk babooţana na ilaañ, bapiinţana ţi kambëŋan. »

Luk 8:3

Yowana ahar Huŧa namali i Herod, Ŧuŧana, na baloŋ baŧum kak. Baaţ mënţ bajaaŋ baţënk Yeŧu na baţaşarul na bka bi baka.

Maci 12:32

Kë woli ñaaŋ aţup buţaan ţi Abuk Ñiinţ, Naşibaţi aluŋ kamiira wa, bë woli aţup buţaan ţi Uhaaş wi Naşibaţi, aankluŋ kamiira wa ţi umundu wi na du unkmbiiŋ. »

Maci 19:28

Kë Yeŧu aji na baka : « Dţupan na manjoonan : woli umundu uhalu ubii, kë Abuk Ñiinţ aneejan pşih na mndëm, an baţaşaraan iñeen na batëb nanţaşnuŋ nakak aţo na nji kaşih, kawayëş kntaali iñeen na ktëb ki Iŧrayel.

Maci 17:9

Wi bakwaliiŋ pnkuŋ, kë Yeŧu aşë ji na baka : « Nakţup nin ñaaŋ aloŋ uko wi nawinuŋ, te wal wi Abuk Ñiinţ akluŋ kanaţa ţi pkeţ. »

Maci 16:27

Abuk Ñiinţ aban ţi pbi na mndëm mi Aşin na ŋwanjuŧ ŋi nul. Wal mënţ awayëş ñaaŋ andoli ţi mnwo mi nul.

Maci 16:13

Yeŧu aya na baţaşarul du uŧaak uññoguŋ ubeeka wi Ŧeŧare-Filip aşë hepar baka aji : « Bañaaŋ başal aji Abuk Ñiinţ awo in ba ? »

Maci 12:40

Jibi Yonaŧ awooŋ ŋnuur ŋwajanţ na ŋŧejan ŋwajanţ ţi kayiŋ ki uţëb uweek, hënk di di Abuk Ñiinţ akluŋ kado ŋnuur ŋwajanţ na ŋŧejan ŋwajanţ ţi bhër du mboş.

Maci 12:8

Abuk Ñiinţ awooŋ Ajug unuur wi pnoorfën. »

Kañaam 40:17

Bañaaŋ bŧi bankla'iiŋ, bawoon ţi mnlilan na mnŧaŋ ţi iwi. Bañaaŋ banŋaluŋ mbuur mi ijaaŋ kţij, bawutan kaţañan pdo kaji : « Nawat Kabuka adëmi ! »

Maci 13:37

Kë aŧeem baka aji : « Anŧepiiŋ ŋdeey ŋnuura awooŋ Abuk Ñiinţ ;

Markuŧ 8:38

Woli ñaaŋ akowara nji na ŋţup ŋi naan ţi kadun ki bañaaŋ biki umundu wi, bandekuŋ Naşibaţi kafeţ abot awo bajuban, nji Abuk Ñiinţ kaluŋ kakowara baka woli dbi na ŋwanjuŧ ŋyimanaan na mndëm mi Paapa. »

Luk 9:58

Kë Yeŧu aşë ji na a : « Ŋnfëş ŋaka ihër, kë ŋkaŧ ŋi baţi ŋaka inŧaŋ, Abuk Ñiinţ ul, aanka dko dpafni bkow. »

Luk 12:8

Yeŧu akak aţiini na baka aji : « Dţupan na manjoonan, ñaaŋ ankdinanuŋ ţi kadun ki bañaaŋ kë awo naţaşaraan, Abuk Ñiinţ aluŋ kadinan ţi kadun ki ŋwanjuŧ ŋi Naşibaţi kaji awo naţaşarul

Luk 18:8

Dţupan na manjoonan, awayëş baka kaŧaran ŧaran. Kë Abuk Ñiinţ, aluŋle bi, aţënkaara ţi umundu bañaaŋ banfiyaaruŋ i ? »

Luk 21:36

Nawoon bten keeri, nado kañehan Naşibaţi wal undoli, nahilna nabuur ţi iko inwooŋ yi pbi bŧi, nabot nahilna nanaţ ţi kadun ki Abuk Ñiinţ. »

Yowan 1:51

Wi wi aşaaŋ aji : « Na manjoonan, dţupan, naluŋ kawin baţi bahaabëşa, ŋwanjuŧ ŋabot ŋado kapaya, kawala ţi Abuk Ñiinţ. »

Yowan 3:13

Nin ñaaŋ aloŋ aampaya baţi Abuk Ñiinţ ţañ [anwooŋ du baţi] awaliiŋ.

Yowan 3:14

Kë jibi Moyiŧ adeeŋuŋ upula unţak du pndiiş, hënk di Abuk Ñiinţ akdeeŋaniiŋ,

Yowan 6:27

Nawutan kado kalemp pa pde pankmbaaŋ, nadoon kalemp pa pde panjaaŋ pawul ubida wi mnţo, pi Abuk Ñiinţ akluŋ kawulan. Naşibaţi Aşin adiimanan bnuura kë ul awoona du a. »

Yowan 6:53

Kë Yeŧu aşë ji na baka : « Na manjoonan dţupan, woli naande uleef wi Abuk Ñiinţ akuţ awo naandaan pñaakul, naankwo na ubida.

Yowan 6:62

Kë woli naluŋ awin Abuk Ñiinţ kë akpaya pkak du baţi bi awoonuŋ, nabaa do hum ?

Yowan 12:34

Bañaaŋ baŧeema aji : « Ŋjuk ţi Ulibra wi Naşibaţi kë Kriŧtu aţo te mnţo. Hum di di ihilanuŋ kaji Abuk Ñiinţ awo i kadeeŋana ? In awooŋ Abuk Ñiinţ ba ? »

Yowan 13:31

Wi Yudaŧ apënuŋ kë Yeŧu aşë ji : « Hënkuŋ mndëm mi Abuk Ñiinţ manwinana, kë mndëm mi Naşibaţi mankak awinana ţi a.

Ulemp 7:56

Kë aji : « Natenan dwin baţi, kë bawo bhaab, kë Abuk Ñiinţ aşë naţ ţi kadeenu ki Naşibaţi. »