Maci 4:17 - Mankanya

¹⁷ Wal mënţan waŋ kë Yeŧu aşë jun pjukan aji : « Nawutan pjuban, naţëlëş ŋbida, ţiki Pşih pi Naşibaţi pañog pii pi. »

Maci 4:17 Referans Kwoze

Maci 3:2

aji na bañaaŋ : « Nawutan pjuban, naţëlëş ŋbida, ţiki Pşih pi Baţi pañogi. »

Ulemp 2:38

Ŧimoŋ Piyeer aŧeem baka aji « Nawutan pjuban, naţëlëş ŋbida, andoli ţi an aji yeenk batiŧmu ţi katim ki Yeŧu Kriŧtu, Naşibaţi ahilna amiiran ipekadu. Naşibaţi aluŋ kawulan Uhaaş wi nul.

Luk 5:32

Mëmbi bi pdu bañaaŋ banşaluŋ aji bawo baŧool, dbi bi pdu bandinanuŋ aji bawo bado buţaan, bahilna bawut pjuban, baţëlëş ŋbida. »

Luk 24:47

Bañaaŋ bawo kaţup ţi katim ki nul ţi bañaaŋ biki ŋŧaak bŧi, kajunna ţi Yeruŧalem, kaji na baka bawut pjuban, baţëlëş ŋbida, Naşibaţi ahilna amiir baka ipekadu.

Ulemp 17:30

Naşibaţi aanţo aten iko yi badoluŋ ţfa ţi kapaam, aşë ji hënkuŋ, bañaaŋ bŧi, dko di bawohaŋ, bawut pjuban.

Maci 9:13

Nayaan najuk uko wi uţup wi ujakuŋ : “Mñaga mi mi nnumiiŋ, mënţ pñaak pi ŋnŧaam pi pi nnumiiŋ.” Yeŧu akak aji na baka : Mëmbi bi pdu bañaaŋ banşaluŋ aji bawo baŧool, dbi bi pdu bandinanuŋ aji bawo bado buţaan. »

Ulemp 26:20

Djunna Damaŧ na Yeruŧalem, abaañşaan ŋfëţ ŋi Yuda bŧi na ŋi banwooŋ baanwo bayuday. Aţup baka aji bawut pjuban bakak du Naşibaţi, bado kado iko inkyuujuŋ kë bawut pjuban.

Luk 15:7

Kë hënk di uwohaŋ, mnlilan mnweek manwo du baţi pa nado buţaan aloolan anţëlşuŋ ubida kapel bañaaŋ baŧum banwooŋ baŧool, banwooŋ baannuma pţëlëş ŋbida. »

Ulemp 3:19

Keeri nawutan pjuban, nakak du Naşibaţi ipekadu yi nan ihilna ipën.

Luk 15:10

Hënk di mnlilan manjaaŋ manwo ţi ŋwanjuŧ ŋi Naşibaţi pa nado buţaan aloolan anţëlşuŋ ubida. »

Ulemp 20:21

Dţup bayuday na banwooŋ baanwo bayuday aji bawut pjuban, bakak ţi Naşibaţi, bafiyaar Yeŧu Ajugun.

Bahebërë 6:1

Hënk keeri, nawulën ŋduk pjukan pŧeek ţi uko wi Kriŧtu, ŋya du pjukan panwooŋ pi banliinŧuŋ ţi pfiyaar. Ŋënkak akak ţi pjukan pŧeek mënţ, panwooŋ pi pwut pdo iko inkţijuŋ pkeţ, pi pfiyaar Naşibaţi,

Ulemp 11:18

Wi baŧiinkuŋ haŋ aşë walan ŋhaaş, adëman Naşibaţi aji : « Manjoonan ma keeri, banwooŋ baanwo bayuday bahil kakak du Naşibaţi kakuţ kaka ubida wi manjoonan, Naşibaţi aţenuŋ baka wa. »

Maci 25:1

Yeŧu akak aji na banknŧiinkuluŋ : « Kë hënk, Pşih pi Baţi paluŋ kawo ji uko wi beegani iñeen banwooŋ na ŋkaniya pya kakit naniim.

Maci 13:47

Yeŧu aji na baka : « Pşih pi Baţi pakak anaam na bridiya bi bafëluŋ du bdëk kë baţij ŋţëb ŋŧum.

Maci 10:7

Nayaan naţup baka kë Pşih pi Baţi pañogi.

Luk 9:2

Wi wi aşaaŋ ayil baka baya baţup uko wi Pşih pi Naşibaţi na pjeban bamaakal.

Maci 11:12

Du wal wi Yowan Nabatŧaar te hënkuŋ, bañaaŋ baji bagutar Pşih pi Baţi, kë bantamanuŋ bajaaŋ baneej ţi pa.

Maci 13:24

Yeŧu akak ahoñ na baka aji : « Natenan uko wi Pşih pi Baţi panaamuŋ : Pawo ji ñiinţ anŧepiiŋ ŋdeey ŋnuura du uţeehul.

Maci 13:9

Ankaaŋ ibaţ iŧiinki, aŧiinkan ! »

Maci 13:11

Kë aşë ji na baka : « An, baţenan kë name iko injoonanuŋ yi Pşih pi Baţi inwooŋ iimmeeţanaa, kë bandukiiŋ, baanţen baka wa.

Maci 6:10

pşihu pabi, uko wi iŋaluŋ udolana ţi mboş ji du baţi.

Luk 3:23

Yeŧu aka uko ji ŋşubal iñeen ŋwajanţ wi ajunuŋ pjukan bañaaŋ. Ţi uşal wi bañaaŋ bŧi, Yeŧu awo abuk Yoŧef, i Heli,