14 Kë aanŧeema ŧeem, kë Pilat adoo ñoŋar maakan.
Naşibaţi awo wo ji aţu un ŋnwooŋ banjañan du kafeţ ji bañaaŋ banjubanuŋ aŧaaŋ na pkeţ. Ŋkak bten bi umundu bŧi : ŋwanjuŧ na bañaaŋ bajën.
Bañaaŋ baŧum babi ñoŋar ţi uko wi naan, kë iwi işë wo dko di mmeniiŋ dantuhuŋ bnuura.
Kë Yeŧu ayompa yomp. Kë akak aji na a : « Dñehanu, ţi katim ki Naşibaţi ajug ubida, ţupun me iwooŋ Kriŧtu Abuk Naşibaţi. »
Baţeŋan baweek na bantohi bawo ţi ptapara iko iŧum, kë aanŧeem baka.
Kë Pilat aşë ji na a : « Iinŧiink iko yi baktapariiŋ bŧi i ? »
Kë Yeŧu aanŧeema ŧeem nin uko uloŋ, kë Pilat adoo ñoŋar.
Herod awo ţi phepar Yeŧu iko iŧum, kë apok pŧeema.
Aya aneej du katoh aşë hepar Yeŧu aji : « Iwoona ţuŋ ba ? » Kë Yeŧu aanŧeema.
