7 Kë beegani bŧi başë naţa aboman ŋkaniya ŋi baka.
« Nabomandëran, nawohara iko yi ulemp, nawutan ŋkaniya ŋi nan ŋado kayik.
An biki nŋaluŋ maakan, wi nawooŋ ţi pyoonk unuur mënţ, nadoonaan keeri nawo bajinţ piş ţi këş ki Naşibaţi, bañaaŋ banwooŋ ţi mnjeeh.
Nawoon bten, nataman nawutna kakeţ bŧi ; dwin kë uko wi nadoluŋ uunwinana bnuura ţi kadun ki Naşibaţi.
Yeŧu akak aji na banknŧiinkuluŋ : « Kë hënk, Pşih pi Baţi paluŋ kawo ji uko wi beegani iñeen banwooŋ na ŋkaniya pya kakit naniim.
« Na uŧejan mnjel, kë pdiim ploŋ paşë liir aji : “Naniim abi ! Napënan nakita.”
Kë beegani banwooŋ baanklipara bukuŋ başë ji na banklipariiŋ : “Naţenun ţi ungaanŧ wi nan, ŋkaniya ŋi nun ŋajëmşaa.”
