Maci 24:30 - Mankanya

³⁰ « Wal mënţ, iko inkyuujuŋ kë Abuk Ñiinţ abi, iwinana du baţi, kntaali ki umundu bŧi kaluŋ kayewla ; kawin Abuk Ñiinţ abi ţi infëluŋ yi baţi na mnhina na mndëm mweek.

Maci 24:30 Referans Kwoze

Uko wi ayuujuŋ Yowan 1:7

Natenan, abi ţi infëluŋ. Kë bañaaŋ bŧi bakluŋ kawina, bandooŋ aluŋana uleef baluŋ kawina. Bañaaŋ biki umundu bŧi baluŋ kado kaţëga. Aa ! Uwo haŋ !

Ulemp 1:11

Baji na baka : « An biinţ biki Galilay, nabaa naţ we aten baţi ba ? Yeŧu i, ampayiiŋ baţi ţi kadunan, aluŋ kabiha, jibi nawinuluŋ hënk, kë apaya baţi. »

Maci 26:64

Kë aŧeema aji : « Iji haŋ. Dţupan kak, hënkuŋ, nawin Abuk Ñiinţ aţo du kañen kadeenu ki Naşibaţi Anhiniiŋ iko bŧi ; nawina kak abi na infëluŋ yi baţi. »

Luk 21:27

Wal mënţ wi wi bakwinuŋ Abuk Ñiinţ awuj na mnhina na mndëm mnweek ţi kanfëluŋ.

Maci 24:3

Yeŧu aţo du Pnkuŋ pi Mnoliwera, kë baţaşarul başë bi agaag na a, ahepara aji : « Ţupun, lum di di uko waŋ ukwooŋ, na uko unkyuujuŋ un ubi'u na uba umundu ? »

2 Teŧalonika 1:7

an nankhajuŋ hënkuŋ, naluŋ kanoorfën na un. Uko mënţ udolana wal wi Yeŧu Ajugun akwinaniiŋ kapënna baţi na ŋwanjuŧ ŋi nul ŋanwooŋ na mnhina,

Markuŧ 13:26

Wal mënţ, başë bawin Abuk Ñiinţ ado kabi ţi infëluŋ, awo na mnhina mnweek maakan na mndëm.

Luk 22:69

Kë hënkuŋ Abuk Ñiinţ aşë ţo du kañen kadeenu ki Naşibaţi Anhiniiŋ iko bŧi ! »

Markuŧ 13:4

« Ţupun, lum di di uko waŋ ukwooŋ, kë we ukyuujuŋ kë iko mënţ bŧi iñogan ţi pban. »

Maci 24:37

Jibi ubiiŋ awo ţi wal wi Nowe, hënk di ukluŋ kawo kak ţi wal wi Abuk Ñiinţ akbiiŋ.

Maci 24:39

kë bañaaŋ baanşal aji uko uloŋ ubi, te kë meel mando par aba baka bŧi. Hënk di ukwooŋ ţi ubi wi Abuk Ñiinţ.

Uko wi ayuujuŋ Yowan 12:1

Wi iko yaŋ iţëpuŋ, uko uñoŋarënaan maakan uwinana du baţi : ñaaţ anwohariiŋ unuur kë uwo kamişa abot atap ihoţ ţi pli, aşë wo na ŋjah iñeen na ŋtëb ţi bkow kë ŋawo uŧepi wi pşih.