Maci 19:23 - Mankanya

²³ Wi wi Yeŧu aşaaŋ aji na baţaşarul : « Dţupan na manjoonan pneej du Pşih pi Baţi patam nayok maakan.

Maci 19:23 Referans Kwoze

Maci 13:22

Anwooŋ dko di iyiw, ajaaŋ aŧiink Uţup, kë manţaaf, pyok panjaaŋ pafooyan bkow, na pñeebar iko iŧum ŋaşë fiiklën Uţup aneenan wa pbuk.

Markuŧ 10:23

Yeŧu aten bañaaŋ ayitan aşë ji na baţaşarul : « Uluŋ katam maakan pa bayok baneej du Pşih pi Naşibaţi. »

Luk 18:24

Yeŧu awin kë ajooţanii aşë ji : « Utam maakan pa nayok aneej du Pşih pi Naşibaţi !

1 Korinŧ 1:26

An bayiţ naan, natenan jibi nabiiŋ awo wi Naşibaţi adu'anaŋ : bañaaŋ biki bajakuŋ aji bawo na ŋşal ŋnŧuŋa baanŧum ţi an, kë bañaaŋ banwooŋ na mnhina baanŧum ţi an kak, kë bañaaŋ baweek baanŧum ţi an.

Yowan 3:3

Kë Yeŧu aşë ŧeema aji : « Na manjoonan dţupu, nin ñaaŋ aanhilan kawin Pşih pi Naşibaţi bë aankak abuka buka. »

Yakob 2:6

Kë naşë ji naţu najuuk mnkow ţi pŧoof pi bañaaŋ. Mënţ bayok bajaaŋ bahajanan, kamoban kañooţ du ŋruha i ?

Ulemp 14:22

Batëŋţën banfiyaaruŋ, aţu ţi ŋşal ŋi baka kë bawo kataman ţi pfiyaar, abot aji na baka : « Ŋwo kahaj bnuura bnuura kabaa kaneej du Pşih pi Naşibaţi. »

Yowan 3:5

Kë aŧeema aji : « Na manjoonan dţupu, ñaaŋ anwooŋ aankak abuka ţi meel na Uhaaş wi Naşibaţi aanhil kaneej du Pşih pi Naşibaţi.

Maci 18:3

aşë ji : « Na manjoonan dţupan, woli naankak anaam ji bapoţ, nin naankneej du Pşih pi Baţi.

Maci 5:20

Dţupan, woli naanţaş uko wi Naşibaţi apel bajukan Bgah na bafariŧay, naankhil pneej du Pşih pi Baţi. »

Maci 21:31

Ahoŋ ţi batëb bukuŋ adoluŋ uko wi aşin baka aŋaluŋ ? » Kë baŧeem aji : « Naŧeek. » Kë Yeŧu aşë ji na baka wal mënţ : « Dţupan, manjoonan ma, bakobraar daaşa na baaţ baţuunk babanan uŧeek du Pşih pi Naşibaţi.

Maci 19:22

Wi naţaşa uŋ aŧiinkuŋ uko mënţ, aşë ya na pjooţan, ţiki ayok maakan.