Maci 16:20 - Mankanya

²⁰ Wi wi aşookuŋ baţaşarul aji na baka bawut kaţup nin ñaaŋ kë ul awooŋ Kriŧtu.

Maci 16:20 Referans Kwoze

Markuŧ 8:30

Kë aşë şook baka aji na baka bawut kaţup nin ñaaŋ uko wi nul.

Luk 9:21

Wi wi Yeŧu aşaaŋ aşook baka aji bawut kaţup wa nin ñaaŋ.

Yowan 1:41

Adun awin Ŧimoŋ naweekul aji na a : « Ŋwin Meşuwa. » Meşuwa dawooŋ Kriŧtu.

Maci 17:9

Wi bakwaliiŋ pnkuŋ, kë Yeŧu aşë ji na baka : « Nakţup nin ñaaŋ aloŋ uko wi nawinuŋ, te wal wi Abuk Ñiinţ akluŋ kanaţa ţi pkeţ. »

Luk 9:36

Wi pdiim paŋ paŧiinkaniiŋ kë başë wina Yeŧu ţañ. Ţuŋ ŋnuur mënţan baţaşar Yeŧu bayompi, baanţup nin ñaaŋ uko wi bawinuŋ.

Maci 8:4

Kë aşë ji na a : « Wutan kaţup nin aloŋ uko unţëpuŋ, duni iya iwinana du naţeŋan Naşibaţi ibot ido bţeŋan bi Moyiŧ ajakuŋ pa bañow bi nu kadiimanaan bañaaŋ bŧi kë ijebi. »

1 Yowan 5:1

Ñaaŋ anfiyaaruŋ aji Yeŧu awooŋ Kriŧtu awo abuk Naşibaţi, kë ñaaŋ aŋŋaluŋ aşin ñaaŋ aji ŋal abukul.

1 Yowan 2:22

Kë in awooŋ naţilan bë mënţ anjakuŋ aji Yeŧu aanwo Kriŧtu ? Uŋ mënţan awooŋ Naşoorad Kriŧtu ! Apok Naşibaţi Aşin nja abot apok Abukul.

Ulemp 2:36

Ŧimoŋ Piyeer abaañëş bţup aji : « Bañaaŋ biki Iŧrayel bŧi, nameen bnuura keeri : Yeŧu i napaŋuŋ ţi kruŧ, Naşibaţi adola kë awo Ajugun akuţ awo Kriŧtu. »

Yowan 20:31

Iko impiiŧaniiŋ ţi, ipiiŧana piiŧana, nahilna nafiyaar kë Yeŧu awooŋ Kriŧtu, Abuk Naşibaţi, nakuţ nahilna naka ubida ţi a woli nafiyaari.

Yowan 1:45

Kë Filip aya awin Natanayel aji na a : « Ŋwin ñaaŋ i Moyiŧ aţiiniyaanuŋ ţi Ulibra wi Bgah, i baţupar Naşibaţi bandukiiŋ bakaaŋ aţiiniyaan ! Yeŧu i Naŧaret a, abuk Yoŧef. »

Markuŧ 9:9

Wi bapënuŋ ţi pnkuŋ ahela, Yeŧu kë aşë ji na baka bawut kaţup nin ñaaŋ uko wi bawinuŋ te wi Abuk Ñiinţ aknaţiiŋ ţi pkeţ.

Maci 1:16

Yakob abuk Yoŧef, ayin Mariya, ambukuŋ Yeŧu i bajaaŋ badu Kriŧtu.

Maci 16:16

Ŧimoŋ Piyeer kë aŧeema aji : « Iwo Kriŧtu, Abuk Naşibaţi ajug ubida. »

Luk 2:11

Nabuuran Bañaaŋ abuka ţi uŧejan wi nţa wi pa an, du ubeeka wi Dayiţ naşih : ul awooŋ Kriŧtu Ajugun.

Yowan 11:27

Kë aŧeema aji : « Aa Ajugun, dfiyaar kë iwooŋ Kriŧtu Abuk Naşibaţi, anwooŋ i pbi ţi umundu wi. »