Maci 13:54 - Mankanya

⁵⁴ Aya du dko di akuşnaaniiŋ aşë jukan bañaaŋ du katoh kañehanaani ki baka, kë badoo ñoŋar aji : « Ţuŋ di di akaanuŋ uşal unŧuŋa wi ? Hum di di ahiluŋ ado mlagre mi bŧi ba ?

Maci 13:54 Referans Kwoze

Maci 7:28

Wi Yeŧu aţiiniiŋ haŋ aba, bañaaŋ bañoŋar pjukan pi nul,

Maci 4:23

Yeŧu aji ñaay na uŧaak wi Galilay bŧi kajukan ţi itoh iñehanaani, kabot kaţup Uţup Ulil Unuura wi Pşih pi Baţi, kajeban mmaak bŧi na pţakëm bŧi ţi bañaaŋ.

Maci 2:23

Aya afëţ du ubeeka uloŋ wi bajaaŋ badu Naŧaret, hënk uko wi baţupar Naşibaţi bajakuŋ udolanaa : « Aluŋ kadu'ana ñiinţ i Naŧaret. »

Kañaam 22:22

Buuranaan mntum mi uliihu, buuranaan itiim yi uwit ukaş. Aa, iŧeemën !

Ulemp 13:46

Pawulu na Barnabaŧ kë başë taman maakan ajukan na mntëŋ aji : « An biki bañaaŋ bawooŋ lah kajukan Uţup wi Naşibaţi duna. Kë wi naşaaŋ apok wa, aşal aji naanŧaaŋ na pka ubida wi mnţo, ŋwutan ţuŋ kaya du banwooŋ baanwo bayuday.

Ulemp 4:13

Banţooŋ uruha bañoŋar wi bawinuŋ Ŧimoŋ Piyeer na Yowan banwooŋ baando juk juk, jibi bakţupi kë nin baanţëp adoo lënk lënk. Bayikrën wal mënţ kë biki mënţ babi wo bagakandër na Yeŧu.

Yowan 1:11

Abi ţi katoh ki nul, kë bañaaŋ biki nul başë wo baandi'a.

Luk 2:47

Bañaaŋ bŧi bankŧiinkuluŋ bañoŋar ţi mntit mi nul, na jibi akŧeemuŋ bajukan baweek.