Maci 13:11 - Mankanya

¹¹ Kë aşë ji na baka : « An, baţenan kë name iko injoonanuŋ yi Pşih pi Baţi inwooŋ iimmeeţanaa, kë bandukiiŋ, baanţen baka wa.

Maci 13:11 Referans Kwoze

1 Korinŧ 2:14

Kë ñaaŋ anwooŋ aanwo na Uhaaş wi Naşibaţi aanji hinan pyeenk iko yi wa, ţiki iji iwo wo ji ŋyila ţi a. Aanhinan kame ya, ţiki ñaaŋ aji me ya woli Uhaaş wi Naşibaţi uwo ţi a ţañ.

Maci 19:11

Kë Yeŧu aŧeem baka aji : « Mënţ bañaaŋ bŧi bahilanuŋ kadinan pjukan pi mënţ, biki Naşibaţi aţenuŋ kë bahilani ţañ bahilanuŋ.

Yakob 1:5

Woli aloŋ ţi an awaaŋ uşal unŧuŋa, awo i kañehan wa Naşibaţi, aluŋ kawul a wa, ţiki aji wul bañaaŋ bŧi na byompan kë aanji fën.

1 Yowan 2:27

Kë an, Uhaaş wi Naşibaţi wi nayeenknuŋ ţi Kriŧtu uduka ţi an, kë naannuma bajukanan. Uhaaş wi nul ukjukananaŋ iko bŧi, uwo manjoonan, awo uunji uţilan. Kë jibi ukjukananaŋ, nadukiin namëban ţi a.

1 Yowan 2:20

Kë an, nayeenkna Uhaaş wi Naşibaţi ţi Yeŧu Kriŧtu, name bŧi manjoonan.

Maci 16:17

Kë Yeŧu aşë ji na a : « Inuurandëni iwi Ŧimoŋ abuk Yonaŧ. Mënţ ñaaŋ najën aţupiiŋ manjoonan maŋ, Paapa anwooŋ du baţi a.

Efeŧ 1:9

mi pme uko wi aŋaluŋ pdo, wi ñaaŋ awooŋ aambaaŋ kame'aara. Naşibaţi ajon nŋal pdo uko mënţ ţi Kriŧtu.

Efeŧ 5:32

Manjoonan mnweek manwinana ţi ŋţup ŋi. Nji dji uko waŋ uwo wi Kriŧtu na banfiyaaruŋ.

Baromeŋ 16:25

Nawulën ŋdëman Naşibaţi ! Aka mnhina mi pdolan naliinŧ ţi pfiyaar. Uko waŋ wi wi nji njakuŋ wi nji kaţupuŋ Uţup Ulil Unuura unkţiiniyaanuŋ uko wi Yeŧu Kriŧtu, kadiiman manjoonan mammenaniiŋ undiimaan.

Luk 8:10

Kë aŧeem baka aji : « An, baţenan kë name iko injoonanuŋ yi Pşih pi Naşibaţi, inwooŋ iimmeeţanaa, kë bandukiiŋ, ţi uhoñ wi wi nji kaţupuŋ na baka, hënk : “woli badoo ten baankwin woli badoo ŧiink baankte.” »

1 Korinŧ 15:51

Hënkuŋ dŋal kaţupan uko uloŋ ummeniiŋ : mënţ nja bŧi ŋkluŋ kakeţ, kë nja bŧi ŋşë luŋ kaţëlşa.

1 Korinŧ 2:7

Uko wi ŋkţiiniyaanuŋ uwo uşal unŧuŋa wi Naşibaţi wi bañaaŋ bawooŋ baamme, Naşibaţi adoluŋ kë uwoo, wi awooŋ aando bi paş umundu, kadëmanaan nja.

Yowan 6:65

Aji na baka kak : « Uko waŋ ukaaŋ kë njakan nin ñaaŋ aanhil kabi du nji bë mënţ Paapa aţenuluŋ uko mënţ. »

1 Timote 3:9

Bawo kamëban bnuura na uşal ujinţ iko yi pfiyaar yi Naşibaţi adiimanuŋ.

1 Korinŧ 13:2

Woli dyeenk uţen wi pdo kaţupar Naşibaţi, abot ayeenk wi pme iko immeniiŋ bŧi na kame bŧi, woli ddoo fiyaar Naşibaţi adoo hum bë mënwo na uŋal, mënwo nin uko uloŋ.

Markuŧ 4:11

Kë aşë ji na baka : « An, baţenan kë name uko ummeniiŋ wi Pşih pi Naşibaţi. Kë pa biki bdig ţi uhoñ wi wi nji kaţupuŋ na baka.

Koloŧ 2:2

Ddo haŋ nahilna nawo na mntëŋ ţi iţëb yi nan nabot naŋalad nawo ji ñaaŋ aloolan ; naŧum na uşal unŧuŋa. Nahil wal mënţ kame uko umbiiŋ amena wi Naşibaţi. Uko mënţ uwooŋ Kriŧtu.

Efeŧ 6:19

Nañehandëraan kak, Naşibaţi aţuuna uţup wi nul ţi mntum mi naan, hënk nhilna ndo kaţup na mntëŋ uko umbiiŋ amena wi Uţup Ulil Unuura ujaaŋ udiiman.

1 Korinŧ 4:7

Iwi, in adoliiŋ kë ipel bandukiiŋ ba ? We wi ikaaŋ, bë iinyeenk yeenk wa ba ? Kë wi iyeenkuŋ wa, we uwooŋ pdo kahomp kawo ji baanţenu ţen wa ba ?

1 Korinŧ 4:1

Kë un, nawo kajejun keeri ji balempar Kriŧtu, bañaaŋ banwooŋ bamali biki Naşibaţi aţuuŋ pdiiman bañaaŋ iko yi nul immeniiŋ.

Yowan 7:17

Woli ñaaŋ aŋal pdo uko wi Naşibaţi aŋaluŋ, ayikrën me pjukan pi naan pawoona du a, këme uko wi nji kaţupuŋ uwoona ţi nji ţañ.

1 Timote 3:16

Nin ñaaŋ aanhil kapok kë uko wi Naşibaţi adiimanuŋ unwooŋ uko wi ŋfiyaaruŋ udëmi : uwinana ţi Kriŧtu ambiiŋ awo ñaaŋ najën, i Uhaaş wi Naşibaţi udiimanuŋ kë awo naŧool, ul ampënuŋ awinana ţi kadun ki ŋwanjuŧ, ul i baţupuŋ ţi uko wi nul ţi kadun ki bawooŋ baanwo bayuday, ul i bañaaŋ biki mboş bafiyaaruŋ, ul andeeŋaniiŋ ţi mndëm.

Efeŧ 1:18

Dñehan kak Naşibaţi ajeehanan ŋşal nahilna nayikrën phaţ pankaaŋ kë adu'an, nabot name pdëm pi pyok pi ahoŋuŋ bañaaŋ banwooŋ biki nul,

Ulemp 16:14

Aloŋ ţi baka, katimul kawo Liidi ; awo ñaaţ andëmanuŋ Naşibaţi, i ubeeka wi Ŧiyatira, aji waap ilaañ ijeenkal intamuŋ. Awo ţi pŧiinkun, kë Ajugun aşë haabëşa uhaaş, afiyaaraan uko wi Pawulu akţupuŋ.

Maci 13:10

Baţaşar Yeŧu babi añoga aşë hepara aji : « We ukaaŋ kë iji khoñ na bañaaŋ ba ? »

Maci 20:23

Kë Yeŧu aşë ji na baka : « Aa, naluŋ kadaan ţi pnkalame pi naan ; kë uko unwooŋ wi pţo ţi kañen naan kadeenu na kamayu, mënţ nji dwooŋ kadat banwooŋ biki pţo da, biki Paapa ajakuŋ aji bawo biki kaţo da, bukal bakluŋ kaţo da. »

Markuŧ 10:40

Kë uko wi pţo ţi kadeenu këme ţi kamayu ki naan mënţ nji dwooŋ kadat bañaaŋ banwooŋ pţo da, bankaaŋ na pţo da baluŋ kaţo da. »

Baromeŋ 11:25

An bayiţ naan, mënŋal an nawooŋ naanwo bayuday nado kahomp. Hënk, dţupan uko ummeniiŋ unwooŋ ţi uko undoluŋ pntaali pi Iŧrayel : baloŋ ţi baka bakak atam ikow, abot aluŋ kaduka haŋ te wal wi an nanwooŋ naanwo bayuday biki Naşibaţi adatuŋ bŧi nakbuuruŋ.