Maci 11:29 - Mankanya

²⁹ « Nadoon uko wi nţu'anaŋ, nado kajuk ţi nji, ŋhaaş ŋi nan ŋaluŋ kanoorfën ţiki djoob bkow akuţ awalan bkow naan.

Maci 11:29 Referans Kwoze

1 Yowan 2:6

Ñaaŋ anjakuŋ awo ţi a, awo i kado kado jibi ajaaŋ ado.

Yowan 13:15

Ddo do haŋ adiimanaanan, an kak nado kado jibi ndolanaŋ.

Maci 7:24

Yeŧu akak aji : « Hënk, woli ñaaŋ aŧiink ŋţup ŋi naan ŋi, abot aţaş ŋa, awo wo ji ñaaŋ natit anniwuŋ katohul, apaf ka ţi mnlaak.

Bahebërë 5:9

Abaañëş ulemp wi nul ţi mboş, ahil hënkuŋ kabuuran te mnţo bañaaŋ bŧi banjaaŋ baŧiinka.

2 Korinŧ 10:1

Nji Pawulu i bajakuŋ aji dji kawo nabooy woli dwo ţi kadunan kaşë kaţiini na mntëŋ woli dlowan apiiŧan, dkooţan ţi katim ki Kriŧtu anjoobuŋ bkow abot awo bnuura : nawutan kadolën ndo mŋoonk na mntëŋ wal wi nji kaluŋ kakak du an jibi nşaluŋ pdo ba na bañaaŋ baloŋ banşaluŋ aji ŋji ŋţaş iko yi ŋleef ŋi nja ŋaŋaluŋ, ijaaŋ iţoŋun.

Maci 28:20

najukan baka pdo kaţaş iko bŧi yi njakanaŋ nado kado. Natenan : dwo na an na ŋnuur bŧi te uba umundu. »

Filipiya 2:5

Nawoon na uşal uŧënţ wi Yeŧu Kriŧtu ţi pŧoofan

Maci 21:5

“Najakan na ubeeka wi Ŧiyoŋ Naşih i nu abi ţi iwi ; awalan bkowul, adapa ubuuru, na ubuuru umpoţi, ubuk unŧaam ulempni” ».

2 Korinŧ 10:5

uko undoli unnaţiiŋ aji uneenan pme Naşibaţi, ŋji ŋmob ŋşal bŧi kado ŋa ŋado kaţaş Kriŧtu.

1 Teŧalonika 4:2

Name iko yi ŋjakanaŋ nado kado ţi katim ki Yeŧu Ajugun.

Yowan 13:17

Name hënkuŋ iko yaŋ, woli nado ya, nawo ţi mnlilan.

Maci 17:5

Ahum kaţiini, kë kanfëluŋ kaloŋ kanknuuruŋ kaşë mara mara abi awun baka, kë pdiim ploŋ paşë pënna ţi ka aji : « Iwi iwooŋ abuk naan, dŋalu maakan, dmaganu ! Nadoon kaŧiinka ! »

2 Teŧalonika 1:8

kawo ţi bdoo bweek. Abi pweţan banwooŋ baamme Naşibaţi abot awo baanji baţaş Uţup Ulil Unuura wi Yeŧu Ajugun.

1 Korinŧ 9:21

Woli dwo ţi pŧoof pi banwooŋ baankţaş Bgah bi Moyiŧ, dji kawo ji ñaaŋ anwooŋ aankţaş ba kahilna kado baka bafiyaar. Kë nşë wo mënwo ñaaŋ anwooŋ aanji ţaş bgah bi Naşibaţi, wi njaaŋ kaţaş bgah bi Kriŧtu.

Ulemp 7:37

Ul Moyiŧ ajakuŋ na baiŧrayel aji : “Naşibaţi aluŋ kapënan ţi bayiţan naţuparul aloŋ ji nji pa an.”

Luk 8:35

Wi wi bañaaŋ başaaŋ abi pten uko unţëpuŋ, abi añog ţi Yeŧu aşë win ñiinţ i ŋnŧaayi ŋapënuŋ ţi uleef kë aţo ţi ihoţ yi Yeŧu. Awohara hënkuŋ akak ñaaŋ, kë bañaaŋ başë lënk.