Maci 10:5 - Mankanya

⁵ Banjañan iñeen na batëb mënţ, Yeŧu ayil baka aji na baka : « Nawutan kaya du banwooŋ baanwo bayuday na du ŋbeeka ŋi uŧaak wi Ŧamariya.

Maci 10:5 Referans Kwoze

Yowan 4:9

Kë ñaaţ aji na a : « Hum di iwi, inwooŋ nayuday ihiluŋ kañehanaan meel, nji nwooŋ i Ŧamariya ? » (Bayuday baanji banaakiir na bañaaŋ biki Ŧamariya.)

1 Teŧalonika 2:16

Bado na pneenanun pţup banwooŋ baanwo bayuday uţup unkbuuranuŋ ; hënk na ŋwal bŧi baji bahoţalëş ipekadu yi baka. Kë hënk di udeeb wi Naşibaţi umobuŋ baka hënkuŋ.

Luk 17:16

Abi, ajot ţi ihoţ yi Yeŧu aşë beeba. Ñiinţ mënţ, awo i uŧaak wi Ŧamariya.

Ulemp 10:45

Bayuday banfiyaaruŋ baññooţanuluŋ bañoŋar maakan, wi bawinuŋ kë Naşibaţi adoo ţen banwooŋ baanwo bayuday Uhaaş wi nul, ţiki

Luk 9:2

Wi wi aşaaŋ ayil baka baya baţup uko wi Pşih pi Naşibaţi na pjeban bamaakal.

Ulemp 1:8

kë naşë luŋ kayeenk phina woli Uhaaş wi Naşibaţi uwala ţi an. Naluŋ kawo bamaar biki naan ţi Yeruŧalem na ţi uŧaak wi Yuda bŧi, na ţi uŧaak wi Ŧamariya te kaban kabaŋ ki umundu. »

Yowan 20:21

Akak aji na baka : « Bnuura bawo na an. Jibi Paapa ayilnuŋ, hënk di di nkaaŋ ayilan. »

Yowan 7:35

Bayuday bahepar ţi pŧoof pi baka aji : « Ţuŋ di di akyaaŋ kë ŋënkwina ? Aya du bayiţ nja banwayşëruŋ du banwooŋ baanwo bayuday kaşë kajukan banwooŋ baanwo bayuday i ?

Yowan 4:5

Kë hënk di ayaaŋ aban du ubeeka uloŋ wi Ŧamariya wi bajaaŋ badu Ŧikar kañog uţeeh wi Yakob abiiŋ aţen Yoŧef abukul.

Luk 10:33

Kë ñiinţ aloŋ i uŧaak wi Ŧamariya ankyaaŋ bayaaş aşë bi añog, awina, aşë ñagi'a.

Maci 4:15

« An, ŋŧaak ŋi Ŧabulon na Neftaliya, naññogung bdëk bi Galilay du plut pi Yordan, nanwooŋ du Galilay di banwooŋ baanwo bayuday bafëţuŋ !

Ulemp 8:1

Kë Ŧawul adinan ţi uko wi bafiŋuŋ Ŧefan. Unuur mënţan, bajun phajan maakan banfëţuŋ Yeruŧalem afiyaar Yeŧu, kë bukal bŧi bawayşër ţi ŋŧaak ŋi Yuda na Ŧamariya kë banjañan ţañ badukiiŋ.

Yowan 8:48

Kë bayuday başë ŧeem Yeŧu aji : « Ŋënfaŋuŋ i, wi ŋjakuŋ aji iwo i uŧaak wi Ŧamariya akuţ aji iwo na unŧaayi i ? »

Yowan 4:20

Bateemun badëman Naşibaţi ţi pnkuŋ pi, kë an bayuday naşë ji du Yeruŧalem di di bañaaŋ bawooŋ i kado kadëmana. »

Luk 10:1

Wi uko waŋ uţëpuŋ, kë Yeŧu Ajugun aşë dat bañaaŋ iñeen paaj na aloŋ na batëb (72) kak ţi baţaşarul, ayil baka kë bakyaana batëb batëb, ajota kadun ţi ŋbeeka bŧi na dko bŧi di akluŋ kaţëpna.

Maci 22:3

Ayil balemparul pa baya badu biki aduuŋ pyoban kë başë wo baaŋal pbi.

Markuŧ 6:7

Ado kë banjañan iñeen na batëb babii. Kë aşë yilna baka batëb batëb, awul baka mnhina mi pdook ŋnŧaayi.

Luk 9:1

Yeŧu adu banjañan iñeen na batëb aşë wul baka uforŧa na mnhina mi bahilni kadook ŋnŧaayi bŧi, kabot kajeban mmaak.

Yowan 17:18

Jibi iyilnuŋ ţi umundu, dyil baka kak ţi umundu.