Maci 10:25 - Mankanya

²⁵ Başale mëban najuk aliŋan na najukan, uko mënţ kakëş, kë uwoha haŋ pa nalemp na ajugul. Wi bajakuŋ ajug katoh awo Belŧebul, we wi bawooŋ baankţup ţi biki katoh ba ? »

Maci 10:25 Referans Kwoze

Luk 11:15

Baloŋ ţi baka kë başë ji : « Belŧebul, uweek wi ŋnŧaayi, uwululuŋ mnhina mi pdook ŋnŧaayi. »

Maci 12:24

Wi bafariŧay baŧiinkuŋ uko mënţ, aşë ji : « Belŧebul uweek wi ŋnŧaayi uwululuŋ mnhina mi pdook ŋnŧaayi. »

Maci 9:34

Kë bafariŧay başë ji : « Uweek wi ŋnŧaayi uwululuŋ mnhina mi pdook ŋnŧaayi. »

Yowan 7:20

Kë bañaaŋ başë ŧeema aji : « Iwo na unŧaayi. In aklaaŋ pfiŋu ba ? »

Markuŧ 3:22

Kë bajukan Bgah bampënnuŋ Yeruŧalem bakji : « Belŧebul aneej ţi a, mnhina mi uweek wi ŋnŧaayi mi mi ajaaŋ adookna ŋnŧaayi. »

Yowan 8:48

Kë bayuday başë ŧeem Yeŧu aji : « Ŋënfaŋuŋ i, wi ŋjakuŋ aji iwo i uŧaak wi Ŧamariya akuţ aji iwo na unŧaayi i ? »

Yowan 10:20

Baŧum baji : « Awo na unŧaayi, ayilaa. We ukaaŋ kë nakŧiinka ba ? »

Yowan 8:52

Kë bayuday başë ji na a : « Ŋyikrën hënkuŋ na manjoonan kë iwo na unŧaayi. Abraham akeţi, kë baţupar Naşibaţi bakak akeţ, kë işë ji : “Woli ñaaŋ amëban uţup wi naan, aankkeţ nin.”

Maci 12:27

Naşalanuŋ kak i ! Woli nji ddookna lah ŋnŧaayi ţi katim ki Belŧebul, bankţaşanaŋ badookna ŋa ţi katim ki in ba ? Ukaaŋ kë bukal ţi ŋleef ŋi baka bakluŋ kadiiman kë naanfaŋi.

Luk 11:18

Woli Ŧatana agut na uleeful hum di di pşihul paknaţuŋ ba ? Naji dji kadookna ŋnŧaayi ţi katim ki nul.

Luk 11:19

Woli dji kadook ŋnŧaayi ţi katim ki Belŧebul, bankţaşanaŋ badook na ŋa ţi katim ki in ? Ukaaŋ kë bukal ţi ŋleef ŋi baka bakluŋ kadiiman kë naanfaŋi.

Markuŧ 10:39

Baŧeem aji : « Ŋhili. » Yeŧu kë aşë ji na baka : « Pnkalame pi nji kadaannuŋ, nadaanna pa, batiŧmu bi nji kayeenkuŋ, nayeenk ba.