Maci 10:23 - Mankanya

²³ Woli badookan du ubeeka uloŋ, nanaţiin naya du uloŋ umpaţi. Na manjoonan, dţupan, naankba ŋbeeka ŋi Iŧrayel bŧi bë Abuk Ñiinţ aambi. »

Maci 10:23 Referans Kwoze

Maci 16:28

Dţupan na manjoonan : baloŋ ţi banwooŋ nţa ţi baankkeţ bë baanwin Abuk Ñiinţ kë abi ji naşih. »

Ulemp 17:10

Wi uŧejan ubanaŋ ban, kë banfiyaaruŋ başë do bi Pawulu na Ŧilaŧ kë baya ubeeka wi Bereya. Wi babanuŋ da, aşë ya du katoh kañehanaani ki bayuday.

Ulemp 8:1

Kë Ŧawul adinan ţi uko wi bafiŋuŋ Ŧefan. Unuur mënţan, bajun phajan maakan banfëţuŋ Yeruŧalem afiyaar Yeŧu, kë bukal bŧi bawayşër ţi ŋŧaak ŋi Yuda na Ŧamariya kë banjañan ţañ badukiiŋ.

Markuŧ 13:26

Wal mënţ, başë bawin Abuk Ñiinţ ado kabi ţi infëluŋ, awo na mnhina mnweek maakan na mndëm.

Luk 21:27

Wal mënţ wi wi bakwinuŋ Abuk Ñiinţ awuj na mnhina na mndëm mnweek ţi kanfëluŋ.

Luk 18:8

Dţupan na manjoonan, awayëş baka kaŧaran ŧaran. Kë Abuk Ñiinţ, aluŋle bi, aţënkaara ţi umundu bañaaŋ banfiyaaruŋ i ? »

Yowan 7:1

Wi iko yaŋ iţëpuŋ, Yeŧu awo ţi pñaay na uŧaak wi Galilay, aaŋŋal pdo kañaay na uŧaak wi Yuda ţiki bala pfiŋa.

Maci 26:64

Kë aŧeema aji : « Iji haŋ. Dţupan kak, hënkuŋ, nawin Abuk Ñiinţ aţo du kañen kadeenu ki Naşibaţi Anhiniiŋ iko bŧi ; nawina kak abi na infëluŋ yi baţi. »

Maci 24:30

« Wal mënţ, iko inkyuujuŋ kë Abuk Ñiinţ abi, iwinana du baţi, kntaali ki umundu bŧi kaluŋ kayewla ; kawin Abuk Ñiinţ abi ţi infëluŋ yi baţi na mnhina na mndëm mweek.

Ulemp 17:14

Ţi dko mënţ, banfiyaaruŋ bado Pawulu kë aya umbaŋ wi bdëk bweek, bi Ŧilaŧ na Timote kë başë duka Bereya.

Maci 25:13

Kë Yeŧu aşë ji : « Nawoon bten keeri, naamme unuur këme uwoori wi Abuk Ñiinţ akbiiŋ. »

Maci 24:48

Bë woli nalemp awo nawuţaan, aji ţi uşalul kë ajugul ajon ubi,

Maci 24:27

Jibi kaliik liik kajaaŋ kawoona kabaŋ kaloŋ ki baţi, kajeehan baţi bŧi, hënk di di ubi wi Abuk Ñiinţ ukluŋ kawo.

Maci 23:34

Waŋ ukaaŋ kë nji kayil baţupar Naşibaţi, bañaaŋ banwooŋ na uşal unŧuŋa, na bajukan : naluŋ kafiŋ baloŋ, kapaŋ ţi kruŧ, naluŋ kafud baloŋ itinŧël du itoh iñehanaani yi nan, kabot kadookar na baka na ŋbeeka.

Maci 4:12

Baţup Yeŧu aji bawat Yowan nabatŧaar ukalabuş. Wi aŧiinkuŋ uko waŋ, awugşa wal mënţ akak du uŧaak wi Galilay.

Maci 2:13

Wi biinţ bame ŋjah bayaaŋ, kë uwanjuŧ wi Ajugun uşë pën awinana ţi ŋţaafi ţi kadun ki Yoŧef aji na a : « Naţiin, ijej napoţ na anin, naţi naya Ejiptu, iţo da te wal wi nji kabiiŋ kaţupu, ţiki Herod abi kado karab napoţ pa pfiŋa. »

Ulemp 20:1

Wi pŋaat paţañuŋ, kë Pawulu aşë do kë bayitrën banfiyaaruŋ ţi Yeŧu, atëŋţën baka. Wi wi aşaaŋ aduk baka, aşë ŧool pya, ajej bgah bi Maŧedoniya.

Maci 16:27

Abuk Ñiinţ aban ţi pbi na mndëm mi Aşin na ŋwanjuŧ ŋi nul. Wal mënţ awayëş ñaaŋ andoli ţi mnwo mi nul.

Maci 23:36

Dţupan na manjoonan, kawuuŋ ki kayeenk kakob ki iko mënţ bŧi ikţijuŋ. »

Maci 24:34

Na manjoonan, dţupan kawuuŋ ki kaankţëp bë iko mënţ bŧi iinwinanaa.