Luk 4:35 - Mankanya

³⁵ Kë Yeŧu aşë lëbar na wa, aji : « Yompaan mntum, pënan ţi ñaaŋ ! » Kë unŧaayi uşë wat ñiinţ ţi kadun ki bañaaŋ bŧi, aşë pën ţi a, uundola nin buţaan bloŋ.

Luk 4:35 Referans Kwoze

Luk 4:41

Ŋnŧaayi kë ŋakak apën ţi bañaaŋ baŧum, aşë huuran aji : « Iwo Abuk Naşibaţi ! » Kë Yeŧu aşë bëg ŋa, aandinan ŋa ŋaţup, ţiki ŋame kë ul awooŋ Kriŧtu.

Luk 4:39

Kë aşë juţ ţi ñaaţ uŋ, alëbar na pmaak, kë papën ţi a. Ţi dko mënţ kë ayootan Ŧimoŋ abi naţa naţa ajun pwul baka iko ide.

Maci 8:26

Kë Yeŧu aşë ji na baka : « We ukaaŋ kë naklënk ba, an nanwooŋ naanfiyaar akëşan ? » Anaţa wal mënţ, aŋoman na uyook na meel mi bdëk kë dko dayompandëri.

Uko wi ayuujuŋ Yowan 12:12

Ukaaŋ, iwi baţi, na banfëţuŋ ţi iwi, nalilaan. Kë an mboş na bdëk nawoon na pwuţan, ţiki Unŧaayi Uweek uwala ţi an. Uwala ţi an na udeeb uweek ţiki ume kë uduki'a wa ŋwal ŋntiinku. »

Luk 11:22

Aşë wo woli aloŋ ampelanuluŋ uforŧa abii, awata, ayeenk iŋaanan bŧi yi ahaţuŋ, ajej bka bŧi bi ayeenkuŋ ţi a kafaaş bañaaŋ.

Luk 9:42

Wi napoţ akñoguŋ Yeŧu kë unŧaayi uşë wata ţi mboş adola kë aklëŧar. Kë Yeŧu aşë bëg wa, ajebana, akakana aşin.

Luk 9:39

Unŧaayi uji uneej ţi a, kadola amara mara kaŋajar, kalëŧar, kabot kayiih. Ukak aji ujon uwutana, kaduka anoor maakan wal wi ubi'i wutana.

Luk 8:24

Wi wi baţaşar Yeŧu başaaŋ añoga, ahuma, ahuuran aji : « Naweek, Naweek, ŋkeţi, wi nun ubaa. » Yeŧu aten wal mënţ aşë ŋoman na uyook na meel mankşinţaruŋ. Kë iţañani, dko kë dayompandëri.

Markuŧ 9:26

Wi unŧaayi ukpënuŋ, kë napoţ aşë ŋajar alëŧar maakan. Napoţ awo ji ñaaŋ ankeţuŋ, kë bañaaŋ bŧi bado ji akeţi.

Markuŧ 1:26

Kë unŧaayi uşë şëŋ şëŋan maakan ñiinţ i uneejuŋ, aşë wuuk pdiim pweek apën ţi a.

Maci 17:18

Kë Yeŧu aşë lëbar na unŧaayi kë upën ţi napoţ, kë ajeb ţi dko mënţ.

Kañaam 50:16

Kë Naşibaţi aşë ji ji na ñaaŋ nawuţaan : « We uwooŋ pkakalëş iko yi nţuuŋ pdo kawo na bhoŋar bi naan ţi mntum ?

Markuŧ 4:39

Kë aşë ten, alëbar na uyook akuţ aji na bdëk : « Yompan, ŧiiman. » Uyook kë unaţi, kë dko dayompandëri.

Luk 4:23

Kë Yeŧu aşë ŧeem aji : « Dme bnuura kë naleşanaan uhoñ unjakuŋ aji : “Iwi nakuraar, duni ijeban uleefu” kakuţ kajakën : “Baţupun uko wi idoluŋ du ubeeka wi Kapernawum. Kaki ido haŋ ţi ubeeka wi nu !” »