Luk 4:18 - Mankanya

¹⁸ « Uhaaş wi Ajugun uwo ţi nji adatën aji nţup bajuuk Uţup Ulil Unuura. Ayilën nji na bakalabuş baluŋ kawutan baka nji na bakuul baluŋ kawin, mbuuran bambiinkniiŋ biki baknooranuŋ.

Luk 4:18 Referans Kwoze

Maci 11:5

Bakuul bakak awin, banţakmuŋ bapoş, bammaakuŋ bdoo bajebi kë bandënëmuŋ bakŧiink, bankeţuŋ banaţa ţi pkeţ, Uţup Ulil Unuura uŧiinkana ţi bawaaŋ.

Ulemp 10:38

Name Yeŧu mënţ ampënnuŋ Naŧaret, nawin jibi Naşibaţi adatuluŋ awula Uhaaş wi nul na phina. Name kak kë añaay na dko bŧi ado bnuura, ajeban bañaaŋ biki Unŧaayi Uweek uknooranuŋ, ţiki Naşibaţi awo na a.

Luk 7:22

Kë Yeŧu aşë ŧeem bayili aji : « Nayaan nakakalëş Yowan uko wi nakwinuŋ akuţ aŧiink hënk : bakuul bakak awin, banţakmuŋ bapoş, bammaakuŋ bdoo bajebi kë bandënëmuŋ bakŧiink, bankeţuŋ banaţa ţi pkeţ, Uţup Ulil Unuura uŧiinkana ţi bawaaŋ.

Ulemp 26:18

Iwoyi kahaabëş baka këş, kapënan baka ţi bdëm, kaţij moŋ bjeehi, kapënan baka ţi mnhina mi uweek wi ŋnŧaayi, kaţij du Naşibaţi. Hënk bahilna woli bafiyaarën, bapënan baka ipekadu bahil kawo ţi biki Naşibaţi adatuŋ aji bawo pntaali pi nul.”

Yowan 12:46

Dbi ţi umundu ji bjeehi, ñaaŋ anfiyaarnuŋ awutna kaduka du bdëm.

1 Piyeer 2:9

Kë an, naşë wo pntaali pandataniiŋ, pntaali pi baţeŋan bankşihuŋ, pntaali pyimanaan, pntaali panwooŋ pi Naşibaţi, nahilna nado kaţup iko iweek iñoŋarënaan yi ampënananaŋ du bdëm aţij moŋ bjeehi bñoŋarënaan bi nul adoluŋ.

Koloŧ 1:13

Alëb nja ţi phina pi bdëm añooţ du pşih pi Abukul i aŋaluŋ.

Maci 4:16

Pntaali panwooŋ ţi bdëm pawin bjeehi bweek, bjeehi bweek bapën ajeehan bañaaŋ banwooŋ du dko di bdëm bi pkeţ. »

Maci 5:3

« Bañaaŋ bannumiiŋ Naşibaţi ţi ŋhaaş ŋi baka banuurandëni ţiki Pşih pi Baţi pawo pi baka.

Luk 6:20

Kë Yeŧu aşë kat këş aten baţaşarul aşë ji : « Nanuurandëni an nanwaaŋuŋ, ţiki Pşih pi Naşibaţi pawo pi nan.

Yakob 2:5

Naŧiinkan an bayiţ naan biki mmaganuŋ, mënţ Naşibaţi adatuŋ banwooŋ bajuuk ţi këş ki umundu i ? Ado haŋ, bahilna bayok ţi pfiyaar babot bayeenk pşih pi Baţi pi ahoŋuŋ banŋaluluŋ.

Yowan 3:34

Naşibaţi aji wul ñaaŋ i ayiluŋ Uhaaşul kakëşan aşë kaţup uţup wi Naşibaţi.

Kañaam 2:6

« Nji, dţooranuŋ naşih i naan, nji dţooranuluŋ du Ŧiyoŋ, pnkuŋ pyimanaan pi naan. »

Kañaam 2:2

We ukaaŋ kë başih biki mboş bakbomandër ugut, kë baweek baŧiinkar aji bagut na Yawe Nawat Kabuka na naşih i akëruŋ ?

Yowan 1:41

Adun awin Ŧimoŋ naweekul aji na a : « Ŋwin Meşuwa. » Meşuwa dawooŋ Kriŧtu.

Maci 12:20

Jibi awooŋ aankluŋ kakit bmaaj bandooŋ abi naay naay këme kajëmşën pmul pankduhuŋ, hënk kak di di akluŋ kañaga bañaaŋ bannooruŋ te wal wi akluŋ kakakan iko bŧi iwo iŧool ţi këş ki Naşibaţi :

Ujuni 3:15

Dţu bşoorad ţi iwi na ñaaţ, ţi pntaali pi nu na pi nul. Baluŋ kanantlu bkow, kë iwi, iluŋ katib baka ţi pşoñ. »

Ulemp 4:27

Aa wo ! Herod na Ponŧ Pilat bayitiir ţi ubeeka wi, na banwooŋ baanwo bayuday, na bayuday, anaţara Yeŧu nalemparu nayimanaan, i idatuŋ aji awo Kriŧtu.

Maci 12:18

« I awooŋ nalempar naan i nji ndatuŋ, i nŋaluŋ maakan, i mmaganuŋ, dluŋ kaţu Uhaaş wi naan ţi a aşë ţup bañaaŋ biki umundu kë Naşibaţi akakan baka baŧool.

Luk 4:17

kë başë leyiir kafah ki Iŧayi Naţupar Naşibaţi apiiŧuŋ. Wi ahaabşuŋ wa, aşë win dko di bapiiŧuŋ aji :

Ulemp 4:26

We ukaaŋ kë başih biki mboş bakbomandër ugut, kë baweek baŧiinkar aji bagut na Yawe Nawat Kabuka na Kriŧtu i akëruŋ ?”