Luk 24:44 - Mankanya

⁴⁴ Wi wi aşaaŋ aji na baka : « Wi nhumuŋ na an, ŋţup ŋi, ŋi ŋi nţupanaŋ : Uko wi Ulibra wi Naşibaţi ujakuŋ ţi nji ţi dko di Moyiŧ apiiŧuŋ, na di baţupar Naşibaţi bapiiŧuŋ, na ţi Iyeeh yi pñaamarën Naşibaţi, iko mënţ bŧi iwo yi kadolana. »

Luk 24:44 Referans Kwoze

Luk 9:22

Akak aji na baka : « Abuk Ñiinţ awo kahaj maakan, kapokana ţi bantohi, ţi baţeŋan baweek na ţi bajukan Bgah. Baluŋ kado bafiŋa, unuur uwajanţën aşë naţa ţi pkeţ. »

Uko wi ayuujuŋ Yowan 19:10

Wal mënţ kë nşë jot ţi ihoţ yi wa kadëman wa. Kë uşë ji na nji : « Ţaafaraan kado uko wi ! Dji kalempar Naşibaţi ji iwi na bayiţu bammëbanuŋ uţup wi Yeŧu. Naşibaţi i i iwooŋ kadëman ! Uţup wi Yeŧu wi wi Naşibaţi aţuuŋ ţi baţuparul. »

Bahebërë 10:1

Bgah bi Moyiŧ baanyuuj iko bŧi na manjoonan, bawo wo ţañ ulimënţ wi iko inuura inkluŋ kawulana faan. Bgah mënţ baji bahepar bado kadoha do uşubal undoli iţeŋan innaamuŋ. Uko mënţ udiiman kë baanhil kajinţan piş bankñoguŋ Naşibaţi.

Yowan 5:46

Woli nafiyaar lah Moyiŧ, nakak kafiyaarën, ţiki apiiŧ piiŧ uko wi naan.

Ujuni 22:18

Dţëpna ţi pntaali pi nu kawul kntaali ki mboş bŧi bnuura, ţiki iŧiinkën. »

Bahebërë 9:8

Uhaaş wi Naşibaţi udiiman bnuura ţuŋ uko mënţ kë bgah bneejni du dko dyimanaan maakan baanji bahaabşa, woli dko dyimanaan danwooŋ ţi mboş dawohaara wo da.

Yowan 5:39

Naji najuk Ulibra wi Naşibaţi bnuura, ţiki naşal kë ţi wa di di nakkaanuŋ ubida wi mnţo. Kë Ulibra wi Naşibaţi mënţ uţupuŋ uko wi ŧaan.

Ujuni 3:15

Dţu bşoorad ţi iwi na ñaaţ, ţi pntaali pi nu na pi nul. Baluŋ kanantlu bkow, kë iwi, iluŋ katib baka ţi pşoñ. »

Yowan 3:14

Kë jibi Moyiŧ adeeŋuŋ upula unţak du pndiiş, hënk di Abuk Ñiinţ akdeeŋaniiŋ,

Luk 24:46

Aji na baka : « Uko wi bapiiŧuŋ wii wi : Kriŧtu awo i kahaj, kabot kanaţa ţi pkeţ unuur uwajanţën.

Ujuni 49:10

Pşih paankpën ţi iwi, kë pjuuţi pi pşih pakak aduka ţi pntaali pankpënnuŋ ţi iwi te wal wi ajug pa na manjoonan akbiiŋ, ñaaŋ i bañaaŋ biki ŋŧaak bŧi bakdooŋ kado uko wi ajakuŋ.

Ujuni 14:18

Uka wal mënţ naşih aloŋ ambiyi pyit na Abraham katimul kawo Melkiŧedek. Awo naşih i Ŧalem, abot aji ţeŋan Naşibaţi Andëmuŋ Maakan. Aţij ipoom na poot ;

Bahebërë 7:1

Melkiŧedek mënţ, abiiŋ awo naşih i ubeeka wi Ŧalem akuţ awo naţeŋan i Naşibaţi Andëmuŋ Maakan. Wi Abraham awoonuŋ ugut wi afiŋnuŋ başih baloŋ, Melkiŧedek aya akita añehan Naşibaţi awula bnuura.

Bahebërë 3:5

Moyiŧ awo nalempar Naşibaţi, ado iko yi Naşibaţi aţu'uluŋ pdo ţi katoh ki nul kanwooŋ pntaali pi nul, ajukan uko wi Naşibaţi akluŋ kadiiman.

Ulemp 7:37

Ul Moyiŧ ajakuŋ na baiŧrayel aji : “Naşibaţi aluŋ kapënan ţi bayiţan naţuparul aloŋ ji nji pa an.”

Luk 22:37

Dţupan, uko wi Ulibra wi Naşibaţi uţupuŋ uwo kadolana ţi nji : “Baţu'a na bado buţaan.” »

Luk 21:22

ţiki ŋnuur mënţ ŋawo ŋi Naşibaţi akkobuŋ bañaaŋ biki nul banjubanuluŋ, ŋnuur ŋi iko impiiŧaniiŋ bŧi ikdolaniiŋ.

Luk 9:44

« Namëbaan uko wi nji kaţupanaŋ hënkuŋ bnuura : Abuk Ñiinţ abi kawulana du bañaaŋ. »

Maci 26:56

Kë iko bŧi inkdolaniiŋ hënk iwo iko yi baţupar Naşibaţi bajakuŋ ţi Ulibra wi nul. » Baţaşarul bŧi baţi aduka.

Maci 26:54

Woli ddo haŋ, hum di di uko wi bapiiŧuŋ ţi Ulibra wi Naşibaţi uhilanuŋ kadolana keeri ? Wul ujakuŋ aji uko mënţ uwo kadolana. »

Maci 16:21

Unuur mënţ wi wi Yeŧu ajunuŋ pdiiman baţaşarul kë awo i pya Yeruŧalem, kahaj da maakan ţi iñen yi bantohi, baţeŋan baweek na bajukan Bgah. Baluŋ kado bafiŋa, unuur uwajanţën aşë naţa ţi pkeţ.

1 Piyeer 1:11

Uhaaş wi Kriŧtu ubi wo ţi baka, udobi ţupa ţup mnhaj mi Kriŧtu akhajuŋ na mndëm mankmbiiŋ kawo mi nul aşë taman kame wal na hum di uko mënţ ukdolaniiŋ.

Ulemp 3:18

Naşibaţi ul, adobi ţupa ţup undiimaan ţi mntum mi baţuparul bŧi aji Kriŧtu aluŋ kahaj kakeţ, kë waŋ wi adolaŋ.

Markuŧ 9:31

Awo ţi pjukan baţaşarul aji : « Abuk Ñiinţ awulana du bañaaŋ, bafiŋa, unuur uwajanţën aşë naţa ţi pkeţ. »

Maci 1:22

Iko mënţ bŧi iyuuj kë uko wi Ajugun abiiŋ aţup aţëpna ţi naţuparul idolanaa, aji :

Ulemp 2:27

ţiki iinkwutan uhaaş wi naan uya ufëţ du mnkeţ, akak awo iinkwutën, nji ñaaŋ nalemparu naweek mpuţ.

Ulemp 13:40

Nalipariin, uko wi baţupar Naşibaţi bajakuŋ uluŋ udolan, baji :