Luk 20:1 - Mankanya

¹ Yeŧu awo unuur uloŋ ţi pjukan du Katoh Kaweek ki Naşibaţi abot aţup Uţup Ulil Unuura, kë baţeŋan baweek na bajukan Bgah başë wuj na bantohi

Luk 20:1 Referans Kwoze

Ulemp 6:12

Baya awuuk bañaaŋ bŧi, na bantohi na bajukan Bgah bi Moyiŧ, kë badëpa ţi Ŧefan amob ayaanaan du uruha.

Ulemp 4:1

Ŧimoŋ Piyeer awo na Yowan, ahum kaţiini na bañaaŋ, kë baţeŋan baloŋ, na naweek i bayeŋ biki Katoh Kaweek ki Naşibaţi, na baŧaduk baloŋ başë bi, añog baka.

Yowan 18:20

Kë Yeŧu aŧeema aji : « Na pnak di di nţiiniiŋ na bañaaŋ bŧi. Djon kajukan du itoh iñehanaani na du Katoh Kaweek ki Naşibaţi, di bayuday bŧi bajaaŋ bayitna. Mëmbaaŋ kamena uko uloŋ.

Luk 8:1

Wi uko waŋ uţëpuŋ, kë Yeŧu aşë wo ţi pñaay na ŋbeeka na ŋntanka, ajukan abot aţup Uţup Ulil Unuura wi Pşih pi Naşibaţi. Baţaşarul iñeen na batëb kë bawo na a,

Maci 26:55

Wi wi Yeŧu aşaaŋ aji na pnŧuk pi bañaaŋ puŋ : « Dwo nado buţaan i, kë nado bi pmobën na ikej na induk ? Ŋnuur bŧi dji kaţo du katoh ki Naşibaţi kajukan, kë naammobën.

Luk 20:2

ahepara aji : « Ţupun, mnhina mnhoŋ mi mi ikdolnuŋ iko yi ba ? In ajakiiŋ kë ihilan kado ya ? »