Luk 16:17 - Mankanya

¹⁷ Baţi na mboş manyojnuŋ pŧok apel uko uloolan umpoţëţaanuŋ ţi Bgah bi Moyiŧ.

Luk 16:17 Referans Kwoze

Maci 5:18

Dţupan, manjoonan ma : Ji mboş na baţi ŋado kaba, nin uko umpoţëţaanuŋ ţi Bgah uunkpën bë iko yi bajakuŋ bŧi iindolanaa.

Luk 21:33

Baţi na mboş ŋaba, kë ŋţup ŋi naan ŋaşë wo ŋaankba. »

1 Piyeer 1:25

kë uţup wi Ajugun uşë ji uwo te mnţo. » Uţup mënţ uwooŋ Uţup Ulil Unuura wi baţupanaŋ.

Baromeŋ 3:31

Kë hënkuŋ, woli ŋdiiman kë pfiyaar pawoonuŋ, ŋwo biki kaţilma bgah bi Moyiŧ i ? Nin ! Woli ŋfiyaar na manjoonan, wi wi ŋjaaŋ ŋţaş bgah na manjoonan.

Uko wi ayuujuŋ Yowan 21:4

Awent mnkuul mi baka bŧi ; pkeţ, mnţëg, ŋwooni, na mnhaj maankak awo, iko ijon iinkak awo. »

Uko wi ayuujuŋ Yowan 21:1

Wal mënţ dwin baţi bhalu na mboş mnhalu ; baţi bŧeek na mboş mnŧeek ŋaankak awo, bdëk kak baankak awo.

Uko wi ayuujuŋ Yowan 20:11

Dwin wal mënţ pţij pi pşih pfaaŧal pweek na anţooŋ ţi pa. Mboş na baţi ŋaţii, kë nin ñaaŋ aankak awin ŋa.

2 Piyeer 3:10

Unuur wi Ajugun uluŋ kabi ji nakiij ; unuur mënţ baţi bafoma karoca roca, iko inwooŋ da iyik kayuuy wal mënţ, mboş na iko bŧi inwooŋ ţi ma iŧoka kaba.