50 Mñaga mi nul manwo ţi bañaaŋ biki iwuuŋ bŧi bankdëmanuluŋ.
Kë banŋalnuŋ abot amëban uko wi nţuuŋ baka pdo, baji baţu nwul bañaaŋ baŧum maakan bampënnuŋ ţi baka bnuura.
Ddo bhoŋar na iwi, na pntaali pankmbiiŋ ţi kafeţu woli ikeţi. Bhoŋar mënţ bawo te mnţo, hënk dluŋ kawo Naşibaţi i nu na i pntaali pankmbiiŋ ţi kafeţu.
Jibi baţi badëmuŋ, hënk di uŋal wi nul udëmuŋ ţi banjaaŋ baŧiinka.
Dëŧan mntum mi baţilan mënţ, banjaaŋ baţiini ţi anwooŋ naŧool ţi këş ki nu na mngam na phomp na bbeehar.
Wal mënţ, kë pdiim ploŋ paşë pënna du pţij pi pşih aji : « An balemparul bŧi, an nanŋaluluŋ apel iko bŧi, baweek na bampoţi, nadëmaan Naşibaţi i nja. »
ţiki Naşibaţi Anhiniiŋ iko bŧi, ado pa nji iko inuura iweek maakan : katim ki nul kayimani !
