Koloŧ 4:18 - Mankanya

¹⁸ Nji Pawulu kapiiŧanaŋ na kañen ki naan, dwulan mboş. Naleşan kë dwo ukalabuş. Bnuura bi Naşibaţi bawo ţi an.

Koloŧ 4:18 Referans Kwoze

Bahebërë 13:3

Naleşan bakalabuş, nawo ji nawo ukalabuş na baka nabot naleş bañaaŋ biki bakhajanuŋ, nawo ji an biki bakhajanuŋ.

2 Timote 4:22

Dñehan Ajugun awo na iwi, dñehan awulan an bŧi bnuura bi nul !

1 Timote 6:21

Bañaaŋ banfiyaaruŋ ŋţilan mënţ baduk pţaş bgah bi Yeŧu. Dñehan Naşibaţi awulan, an bŧi bnuura bi nul !

1 Korinŧ 16:21

Nji Pawulu ţi uleef naan dpiiŧuŋ ţi awulan mboş.

Bahebërë 13:25

Dñehan Naşibaţi awulan an bŧi bnuura.

Tit 3:15

Bañaaŋ banwooŋ na nji bŧi bawulu mboş. Wulan mboş banfiyaaruŋ bŧi abot aŋal nja. Dñehan Naşibaţi awulan an bŧi bnuura bi nul.

2 Timote 1:8

Wutan keeri kakowa pţiiniyaan uko wi Ajugun, wutan kakowara nji nwooŋ nakalabuş pa ul ; hajan na nji pa Uţup Ulil Unuura, mnhina mi Naşibaţi manşë mando kaţënku.

Filipiya 1:7

Unuura nwo na uşal uŧënţ waŋ pa an bŧi. Na manjoonan dţu'an ţi uhaaş wi naan, woli dwo ukalabuş këme awo ţi pgutar Uţup Ulil Unuura, an bŧi naji naţënkën ţi ulemp wi Naşibaţi awulnuŋ.

2 Teŧalonika 3:17

Ŋpiiŧ ŋbaañşaani ŋi, nji Pawulu dpiiŧuŋ ŋa na kañen ki naan. Hënk di di njaaŋ kado ţi ikaarta bŧi.

Koloŧ 4:3

Woli nañehan, nañehandërun kak Naşibaţi ajeehan bgah bi ulemp wi pţup Uţup wi nul, nhilna ndo kaţiiniyaan uko wi Kriŧtu umbiiŋ amena unţuuŋ kë nwo ukalabuş.

Baromeŋ 16:23

Gayuŧ anyeeknuŋ du katohul awulan mboş. Du katohul di di banfiyaaruŋ bŧi bajaaŋ bayitiiraan. Eraŧtuŧ namali i ubeeka akak awulan mboş, na Kwartu ayiţ nja.

Baromeŋ 16:20

Naşibaţi anwooŋ ukumpëş wi mnjeeh awat hënkuŋ Ŧatana ţi ihoţan. Dñehan bnuura bi Yeŧu Ajugun bawo ţi an.

Baromeŋ 16:22

Nji Tertiyu mpiiŧaruŋ Pawulu kakaarta, dwulan mboş ţi katim ki Ajugun.