Koloŧ 1:28 - Mankanya

²⁸ Kë hënk di di ŋjaaŋ ŋmeeţan Kriŧtu, kaţup bañaaŋ bŧi balipara, kabot kajukan baka na uşal unŧuŋa bŧi, bahilna bawo ţi Kriŧtu bukal bŧi bañaaŋ banjijuŋ ţi pfiyaar.

Koloŧ 1:28 Referans Kwoze

Efeŧ 5:27

banfiyaaruluŋ bahilna bapën bawinana ţi kadunul bawo na mndëm ji ñaaţ ankniimiiŋ anwooŋ nanuura, najinţ piş kë kaara di nul daanlaatari këme awo na iko iloŋ iŧënţ yuŋ. Ado haŋ banfiyaaruŋ bahilna bawo bajinţ, baŧool babot bado kado uko unnuuriiŋ ţañ.

Maci 5:48

Nawoon bajinţ baŧool jibi Aşinan anwooŋ du baţi awooŋ najinţ naŧool ţi iko bŧi. »

Koloŧ 3:16

Uţup wi Kriŧtu uŧum ţi an ! Nadoon kajukandër, kaţënkar kawutna kajot ţi buţaan. Nadoon kado haŋ na uşal unŧuŋa bŧi, kayeeh Naşibaţi na iyeeh yi pñaamarën na iyeeh yi pdëman Kriŧtu, Uhaaş wi nul uţu'an iyeeh mënţ ţi bkow.

1 Korinŧ 2:6

Bañaaŋ banliinŧuŋ ţi pfiyaar kakşa, ŋţup baka ŋţup ŋi uşal unŧuŋa, kë uşë wo uunwo wi umundu wi, wi başih biki wa, bandooŋ abi kaba ba.

Koloŧ 1:22

Hënkuŋ uleef wi Abukul unwooŋ wi ñaaŋ najën ukeţi, pkeţ mënţ paţu kë nakak aŧiinkar na a. Hënk nahil kanaţ ţi kadunul kawo bajinţ piş, bañaaŋ banwooŋ baanwo na nin buţaan dloŋ, biki bawooŋ baanhil pji nin uko uloŋ ţi baka.

2 Korinŧ 11:2

Dkujan bkujar banwoonuŋ du Naşibaţi : djokaran ñiinţ aloolan pa bniim, kadolna an nanaţ ţi kadun ki Kriŧtu ji ñaaţ najinţ anwooŋ aando bi me ñiinţ.

2 Korinŧ 4:5

Na manjoonan, mënţ uko wi nun ţi ŋleefun wi wi ŋkţupanaŋ, uko wi Yeŧu Kriŧtu Ajugun wi wi ŋkţupanaŋ, ul akaaŋ kë ŋklemparan.

Ulemp 20:31

Nakeerin nawo bten ! Nakak naleş uko wi : Ddo ŋşubal ŋwajanţ, aji kaleşanan pnak na uŧejan, kadoo kawooni.

Ulemp 8:35

Kë Filip aşë ţëpna ţi umpiiŧuŋ wuŋ, aţupa Uţup Ulil Unuura wi Yeŧu.

Bahebërë 10:14

Ţi bţeŋan bloolan ado kë bañaaŋ biki aţijuŋ Naşibaţi kë bawo bajinţ ţi këş ki Naşibaţi te mnţo.

1 Timote 3:2

Kë naweek aşë wo kawo ñaaŋ i bawooŋ baanhinan pţup nin uko uloŋ ţi a, awo kaniim ñaaţ aloolan kaliŋ ţi a, awo kawo ñaaŋ anţijanuŋ uleeful, ankaaŋ uşal, kaŋal bañaaŋ, kayeenk baka bnuura, kahinan pjukan.

Koloŧ 2:10

Kë ţi a di di nayeenknuŋ iko aŧuman, ul ankşihuŋ başih bŧi na mnhina bŧi.

1 Korinŧ 12:8

Uji uţen aloŋ uţup unŧuŋa, kawul aloŋ uţup wi kame ; kë wul ţañ uşaaŋ aji uţen.

Efeŧ 3:8

Nji mpoţëţaanuŋ ţi bañaaŋ biki Naşibaţi, awulën bnuura bi pţup banwooŋ baanwo bayuday bnuura bweek maakan bi ţi Kriŧtu.

2 Korinŧ 10:14

Woli ŋëmbi lah adoo ban du an, ŋënkka na phomp ţi uko wi nan. Kë ŋşë wo baŧeek bambiiŋ du an aţijan Uţup Ulil Unuura wi Kriŧtu.

1 Korinŧ 15:12

Kë woli ŋţupan aji Kriŧtu anaţa ţi pkeţ, hum di di baloŋ ţi an bahilanuŋ kaji bañaaŋ baanknaţa ţi pkeţ ba ?

1 Korinŧ 1:30

Ul adoluŋ kë nawo ţi ploolan na Yeŧu Kriŧtu, kë ul Kriŧtu awooŋ ñaaŋ ankaaŋ kë ŋme uşal unŧuŋa wi Naşibaţi. Akaaŋ kë ŋwo baŧool ţi këş ki Naşibaţi, ayiman ţi kadunul, ul abuuranuŋ nja ţi pekadu.

Luk 21:15

dluŋ kawulan uţup unŧuŋa wi başooradan bakwooŋ baankhil ppok këme kalaţ.

1 Korinŧ 2:15

Ñaaŋ anwooŋ na Uhaaş wi Naşibaţi aji me iko bŧi, kë bandukiiŋ başë wo baanji bahil pme'a kadoo kahil kaţup ţi a.

1 Korinŧ 1:23

kë un ŋşë ţup uko wi Kriŧtu ampaŋaniiŋ. Bayuday baji uko mënţ uwo pkar Naşibaţi, kë banwooŋ baanwo bayuday baji uwo ŋyila.

Baromeŋ 16:25

Nawulën ŋdëman Naşibaţi ! Aka mnhina mi pdolan naliinŧ ţi pfiyaar. Uko waŋ wi wi nji njakuŋ wi nji kaţupuŋ Uţup Ulil Unuura unkţiiniyaanuŋ uko wi Yeŧu Kriŧtu, kadiiman manjoonan mammenaniiŋ undiimaan.

Ulemp 17:3

kajukan baka kakuţ kadiiman kë : Kriŧtu awo i kahaj, kabot kanaţa ţi pkeţ. Pawulu akak aji na baka : « Kë Kriŧtu, awooŋ Yeŧu i nji kaţupanaŋ hënk. »

Ulemp 10:36

Awul uţup wi nul bañaaŋ biki Iŧrayel : Uţup Ulil Unuura wi mnjeeh ţi Yeŧu Kriŧtu, ul anwooŋ Ajug bañaaŋ bŧi.

Ulemp 9:20

Aandoo kak ayoonk aşë neej ţi katoh kañehanaani ki bayuday aţup aji Yeŧu awooŋ Abuk Naşibaţi.

Ulemp 8:5

Kë Filip, aya du ubeeka uloŋ, ţi uŧaak wi Ŧamariya, aşë jun pţup bañaaŋ uko wi Kriŧtu.

Ulemp 5:42

Unuur unjinţi, du Katoh Kaweek ki Naşibaţi këme du itoh yi bañaaŋ, baji bajukanaara jukan, kakuţ kaţup Uţup Ulil Unuura unyuujuŋ kë Yeŧu awooŋ Kriŧtu.

Ulemp 3:20

Ajugun aluŋ kawulun ŋwal ŋi mnjeeh, kabot kayil Yeŧu Kriŧtu, i adatuŋ undiimaan pa an.

Markuŧ 6:34

Wi Yeŧu akwaliiŋ ţi bţeem awin pnŧuk pweek pi bañaaŋ, aşë ñaga baka, bawo wo ji ŋkaneel ŋanwooŋ ŋaanka nayafan. Wi wi aşaaŋ awo ţi pjukan baka iko iŧum.

Maci 28:20

najukan baka pdo kaţaş iko bŧi yi njakanaŋ nado kado. Natenan : dwo na an na ŋnuur bŧi te uba umundu. »

Maci 3:7

Wi Yowan awinuŋ kë bafariŧay na baŧaduk baŧum kë bakbi pyeenk batiŧmu ţi a, kë aşë ji na baka : « An, nawo pntuni pi ŋnfunan ! In ahoopaţanaŋ aji naţi udeeb wi Naşibaţi unkmbiiŋ ba ?

2 Piyeer 3:15

Nameen kë kamiir ki Ajugun kahinan kadolan nabuur, jibi Pawulu ayiţ nja ţi Kriŧtu i ŋŋaluŋ maakan apiiŧanaŋ na uşal unŧuŋa wi Naşibaţi awululuŋ.

Bahebërë 13:21

aţënkan naka iko bŧi innuuriiŋ nahilna pdo uko wi aŋaluŋ. Dñehan Naşibaţi ado nja ŋlila wi ŋwooŋ ţi ploolan na Yeŧu Kriŧtu. Nawulën ŋdëmana te mnţo ! Uwo haŋ.

1 Timote 3:16

Nin ñaaŋ aanhil kapok kë uko wi Naşibaţi adiimanuŋ unwooŋ uko wi ŋfiyaaruŋ udëmi : uwinana ţi Kriŧtu ambiiŋ awo ñaaŋ najën, i Uhaaş wi Naşibaţi udiimanuŋ kë awo naŧool, ul ampënuŋ awinana ţi kadun ki ŋwanjuŧ, ul i baţupuŋ ţi uko wi nul ţi kadun ki bawooŋ baanwo bayuday, ul i bañaaŋ biki mboş bafiyaaruŋ, ul andeeŋaniiŋ ţi mndëm.

1 Teŧalonika 4:6

Kë ţi uko mënţ aloŋ awutan kaguur aŧënţul këme kadola uko unkde'uluŋ ţiki Ajugun aji weţan bankjubanuŋ haŋ, jibi ŋdooŋ abi ţupan abot ayuujan bnuura.

1 Korinŧ 4:14

Mëmpiiŧan piiŧ hënk nakownaana, dpiiŧan piiŧ ji babuk naan biki nŋaluŋ maakan nahilna name.

Ulemp 13:38

An bayiţ naan ŋbi bi pţupan name kë Yeŧu akaaŋ kë ipekadu ihil kapën. Ţi katim ki Yeŧu ki ki baţupanaŋ pbuur ţi ipekadu ;

Ulemp 11:20

Kë banfiyaaruŋ baloŋ banwoonuŋ Kipruŧ na Kuren başë ya Antiyoka aţup banwooŋ baanwo bayuday kak Uţup Ulil Unuura.

Ulemp 17:18

Kë pnŧuk pi bame baweek baloŋ biki bajaaŋ bado bapikureyeŋ na baŧtoyik başë neej blaţar na a. Baloŋ kë baji : « We wi nahomp i akdoluŋ na pţup ba ? » Kë baloŋ baji : « Awo wo ji aţiiniyaan ŋnŧoŋ ŋyaanţ. » Baţup haŋ ţiki baŧiinka kë akţiiniyaan Yeŧu, na pnaţa ţi pkeţ.

Koloŧ 2:3

Ţi a di di iko inuura maakan bŧi yi uşal unŧuŋa na injaaŋ ihaabëş ñaaŋ uşal iwooŋ.

Koloŧ 4:12

Epafraŧ anwooŋ i ubeeka wi nan akak awulan mboş. Awo nalempar Yeŧu Kriŧtu abot aji bi taman taman ţi pdo kañehandëran Naşibaţi nahilna namëban naliinŧ, najij ţi pfiyaar, nabot nado kado uko bŧi wi Naşibaţi aŋaluŋ.