Koloŧ 1:11 - Mankanya

¹¹ Ŋñehan Naşibaţi aliinŧanan ţi iko bŧi yi nakdoluŋ na mnhina mi mndëm mi nul. Hënk nado kataman kabot kamiir ţi iko bŧi yi nakdoluŋ,

Koloŧ 1:11 Referans Kwoze

Efeŧ 3:16

Dñehana, jibi mndëm mi nul manwooŋ mnweek, awulan uhaaş wi nul udo katëŋţënan,

Filipiya 4:13

Anjaaŋ awulën mnhina adoluŋ kë nhilan pmiir iko bŧi.

Efeŧ 4:2

Nawalaan ikow, nabot najoob ikow, nawut kado kaŧaran. Nayuujan kë naŋaladi ţi pdo kamiirad.

Efeŧ 6:10

Dbaañşaan bţup bi kaji na an, najejnan phina pi nan ţi mnwo mi nawooŋ na Ajugun, ţi mnhina mi nul mandëmuŋ maakan.

2 Korinŧ 4:7

Bjeehi mënţ bi Naşibaţi aţuuŋ ţi nja bawo wo ji uwuuru wi bajejuŋ ahank ţi uko undayanaan, ujinţna ţi këş ki bañaaŋ kë mnhina mnweek mi ŋwoonaanuŋ muŋ manwoona du Naşibaţi, maanwoona ţi nja.

Ulemp 5:41

Banjañan bapën ţi uruha, aşë lilan maakan jibi Naşibaţi awinuŋ aji baŧaaŋ na phaj ţi katim ki Yeŧu.

Uko wi ayuujuŋ Yowan 14:12

Wal wi, uwo wal wi bañaaŋ biki Naşibaţi bammëbanuŋ bgah bi nul abot afiyaar Yeŧu bawooŋ biki kataman. »

2 Piyeer 1:6

kahoţan ţi pme Naşibaţi puŋ pmëban uleef, kahoţan ţi pmëban uleef kamiir, kahoţan ţuŋ kamiir mënţ pmëban ţi Naşibaţi kaliinŧ,

Ppën 15:6

Kañen ki nu kadeenu, iwi Nawat Kabuka, kaji kayuuj mndëm mi nu, kañen ki nu kadeenu, iwi Nawat Kabuka, kaji kanantël başooradu.

Baromeŋ 2:7

Bañaaŋ bantamanuŋ ţi pdo bnuura, banklaaŋ pdëm na mndëm na iko inwooŋ iinkŧoka yi Naşibaţi ajaaŋ awul, awul baka ubida wi mnţo.

Ulemp 1:8

kë naşë luŋ kayeenk phina woli Uhaaş wi Naşibaţi uwala ţi an. Naluŋ kawo bamaar biki naan ţi Yeruŧalem na ţi uŧaak wi Yuda bŧi, na ţi uŧaak wi Ŧamariya te kaban kabaŋ ki umundu. »

1 Korinŧ 16:13

Nawoon bten, namëban naliinŧ ţi pfiyaar pi nan, nawoon bañaaŋ batëŋ, nanaţan naliinŧ.