Kañaam 26:1 - Mankanya

¹ Kayeeh ki pñaamarën Naşibaţi ki kapënna ţi ulibra wi Dayiţ. Iwi, Yawe Nawat Kabuka, wayëşaan, dwo ñaaŋ naŧool. Iwi, Nawat Kabuka, dhaţ ţi iwi, mënkpën ţi bgah bŧool.

Kañaam 26:1 Referans Kwoze

Kañaam 28:7

Nawat Kabuka awooŋ nayeŋ i naan akuţ awo ubeel wi naan ; dţu mnhaţ mi naan bŧi ţi a, kë aji buuranaan ; uhaaş wi naan uwo na mnlilan, dbeeba na iyeeh yi naan.

Kañaam 21:7

Iwula bnuura te mnţo, idola kë awo ţi mnlilan mnweek wi ijaaŋ kñoga.

2 Piyeer 1:10

An bayiţ naan ţi Kriŧtu, natamaan maakan keeri nado kado iko inkdiimanuŋ kë Naşibaţi adu'anaŋ akuţ adatan. Woli nado haŋ, naankjot nin.

1 Piyeer 1:5

Wi nafiyaaruluŋ, mnhina mi nul manyeŋan te unuur ubaañşaani, wi akluŋ kadiiiman kë abuuranan.

Bahebërë 10:23

Nawulën ŋmëban ŋliinŧ ţi uko wi ŋhaţuŋ akuţ aţup. Na manjoonan, ŋme kë Naşibaţi aji do uko wi ahoŋuŋ.

2 Korinŧ 1:12

Hënkuŋ, uko wi uwooŋ mnlilan mi nun, uhaaş wi nun udiimanuŋ un kë mnwo mi nun ţi umundu wi na ţi kadun ki nan manwo mnwo mnŧool akuţ ajinţ ţi kadun ki Naşibaţi. Uko mënţ uwoona du Naşibaţi, mënţ uşal unŧuŋa wi bañaaŋ bajën ubiiŋ aţoŋun, bnuura bi nul babiiŋ aţoŋun.

Kañaam 121:3

Aankluŋ kawutu ihubta ; Nayeŋ i nu aanji yiŋëŧ !

Kañaam 62:6

Aa, iwi uhaaş wi naan, ţoon ijoobëţ du kañog Naşibaţi ţañ ; mnhaţ mi naan manwoona du a.

Kañaam 62:2

Du kañog Naşibaţi ţañ di di uhaaş wi naan ujaaŋ ujoobëţ ; mbuur mi naan manwoona du a.

Kañaam 43:1

Iwi Naşibaţi, wayëşaan na bañaaŋ banwooŋ baanji badëmanu, yeenkaraan ţi kadun ki bañaaŋ baţilan, baguuru.

Kañaam 31:14

Dŧiink iko iwuţaan yi bañaaŋ bakţupuŋ ţi nji. Palënk kë pawo ţi ŋmbaŋ bŧi ; bayit bŧi aŧiinkar pnaţara nji, baţiini aŧiinkar pfiŋën.

Kañaam 26:11

Kë nji nşë wo naŧool ; Nawat Kabuka, buuranaan, ñagi'aan.

Kañaam 15:2

Ñaaŋ i nin ñaaŋ awooŋ aanhil pţup uko uwuţaan ţi a a, ñaaŋ anjaaŋ ado iko iŧool a, ñaaŋ anjaaŋ aţup manjoonan na uhaaşul bŧi a.

Kañaam 4:5

Woli nadoo deebaţ, nawutan kajuban ; naţiiniin ţi uhaaş wi nan meeţ, wi nawooŋ du kalişa na uŧejan, naşë nayomp. Pnaţ ntiinku