Galaŧiya 5:2 - Mankanya

² Naŧiinkan, nji Pawulu dţup an, woli naşal aji pdo bawalan an kaŧëmp pakţuuŋ nawo baŧool ţi këş ki Naşibaţi, uko wi Kriŧtu akeeri do uwaaŋ udooni ţi an.

Galaŧiya 5:2 Referans Kwoze

Galaŧiya 5:6

Ñaaŋ anwooŋ ţi Yeŧu Kriŧtu, mënţ pwala kaŧëmp këme pwo iinkwala kaŧëmp pakaaŋ udooni, uko unkaaŋ udooni uwo pfiyaar pangakandëruŋ na bŋalad.

Ulemp 15:1

Bañaaŋ baloŋ bawoona uŧaak wi Yuda, abi aban Antiyoka, aşë wo ţi pjukan banfiyaaruŋ aji : « Naanhilan kabuur, woli naanya kaŧëmp jibi Bgah bi Moyiŧ bajakuŋ. »

Bahebërë 4:2

Ŋŧiink Uţup Ulil Unuura jibi bambiiŋ awo ţfa du pndiiş baŧiinkuŋ wa. Kë uţup wi baŧiinkuŋ uşë wo uunka udooni ţi baka ţiki wi baŧiinkuŋ wa baanfiyaari.

Galaŧiya 5:11

Kë nji, bayiţ naan, woli dhum lah kajukan aji bañaaŋ bŧi bawo i pwala kaŧëmp, babaa kahajanan we ba ? Pkeţ pi Kriŧtu ţi kruŧ paankak adeebaţan keeri nin ñaaŋ aloŋ.

2 Korinŧ 10:1

Nji Pawulu i bajakuŋ aji dji kawo nabooy woli dwo ţi kadunan kaşë kaţiini na mntëŋ woli dlowan apiiŧan, dkooţan ţi katim ki Kriŧtu anjoobuŋ bkow abot awo bnuura : nawutan kadolën ndo mŋoonk na mntëŋ wal wi nji kaluŋ kakak du an jibi nşaluŋ pdo ba na bañaaŋ baloŋ banşaluŋ aji ŋji ŋţaş iko yi ŋleef ŋi nja ŋaŋaluŋ, ijaaŋ iţoŋun.

Ulemp 15:24

Ŋŧiink kë baji bañaaŋ baloŋ biki nun babi du an, ayewlënan akuţ aŧokan ŋşal na ŋţup ŋi baka. Bañaaŋ mënţ, un ŋënyil baka.

1 Teŧalonika 2:18

Kë hënk, ŋŋal pbi du an, nji Pawulu ţi uleef naan ŋyaaş ŋŧum ddo na pbi du an, kë Ŧatana aşë neenanun.

Filemoŋ 1:9

Kë nji Pawulu naţaf i ulemp wi Kriŧtu uţuuŋ kë nwo hënkuŋ nakalabuş kë nşë ñehanu ñehan uko wi ţi uŋal wi ŋkaaŋ pa Kriŧtu.

1 Korinŧ 16:21

Nji Pawulu ţi uleef naan dpiiŧuŋ ţi awulan mboş.

Ulemp 15:5

Kë baloŋ ţi pnŧuk pi bafariŧay banfiyaaruŋ Yeŧu başë ŧeem aji : « Bawo biki kawalan kaŧëmp banfiyaaruŋ banwooŋ baanwo bayuday, kabot kaji na baka baţaş Bgah bi Moyiŧ. »

Filemoŋ 1:19

Nji Pawulu kapiiŧiiŋ na kañen naan, nji kalukiiŋ. Mënŋal pleşanu kë iwi idoo ţeeţën : nji dkaaŋ kë ika ubida ţi Yeŧu Kriŧtu.