Efeŧ 4:3 - Mankanya

³ Namëbaan naliinŧan ţi bŧiinkar na pwo ţi ploolan pi Uhaaş wi Naşibaţi ujaaŋ uwul.

Efeŧ 4:3 Referans Kwoze

1 Korinŧ 1:10

An bayiţ naan, dkooţan ţi katim ki Ajugun Yeŧu Kriŧtu nawo bŧi ţi uţup uloolan, bpulad baţañ ţi pŧoofan, naţëpën ţëp naŧiinkar nawo na uşal uloolan na uţup uloolan.

Bahebërë 12:14

Natamaan nawo bnuura na bañaaŋ bŧi nakuţ nado kado uko unwooŋ ujinţ ţi këş ki Naşibaţi ; woli naanwo bajinţ ţi këş ki Naşibaţi naankwin Ajugun.

Yowan 13:34

Dţupan uko uhalu wi nawooŋ i kado kado : Naŋaladan, aa, jibi nji nŋalanaŋ, naŋaladan haŋ.

2 Korinŧ 13:11

An bayiţ naan, hënkuŋ nawoon ţi mnlilan ! Nadoon kala pwo bañaaŋ bajinţ ţi këş ki Naşibaţi, naboofaran, naŧiinkaran, nawoon ţi mnjeeh, hënk di di Naşibaţi anjaaŋ awul uŋal na mnjeeh akwooŋ na an.

1 Teŧalonika 5:13

Ulemp wi baka ukaaŋ kë nawo biki kamëban baka kabot kaŋal baka bnuura. Naŧiinkaran an bŧi.

Efeŧ 4:4

Ŋwo uleef uloolan, kë Uhaaş wi Naşibaţi unwooŋ ţi nja ubot awo uloolan, hënk di di mnhaţ mi Naşibaţi aduuranaŋ mankaaŋ awo mloolan.

Efeŧ 4:13

Hënk ŋbi kaya te kadoo kawo nja bŧi baloolan ţi pfiyaar pi ŋkfiyaaruŋ na ţi pme pi ŋkmeeŋ Abuk Naşibaţi. Hënk, ŋjij ţi pţaş Kriŧtu, kanaama bŧi.

Markuŧ 3:24

Woli bañaaŋ biki pşih baŋom apulad, pşih mënţ paanhilan kanaţ.