Bgah 4:3 - Mankanya

³ woli naţeŋan naweek ajubanuŋ pjuban pi nul paji pakak ţi bañaaŋ bŧi, aşë wo i kafiŋar Nawat Kabuka uwit ukaş unwooŋ uunţafi akuţ awo uunţakëm ţi nin dko dloŋ, kahilna kapënan pekadu duŋ.

Bgah 4:3 Referans Kwoze

2 Korinŧ 5:21

Kriŧtu aambaaŋ kadola pekadu, kë Naşibaţi adola kë akoba pa pekadu di nja, ŋhilna ŋkak baŧool ţi këş ki Naşibaţi wi ŋwooŋ ţi ploolan na Kriŧtu.

Bgah 9:2

aşë ji na Aaron : « Jejan ubay ukaş pa pdo bţeŋan bi ppënan ipekadu yi nu na unkaneel ukaş ŋi baktëruŋ bŧi, ŋul bŧi ŋaanwo kaţakëm nin dko dloŋ këme kawo na ujad uloŋ, iţij ŋa ţi kadun ki Yawe Nawat Kabuka.

Bgah 4:14

Unuur wi bakmehaŋ kë bajubani, bawo i kafiŋar Nawat Kabuka uwit ukaş unwooŋ uunţafi abot awo uunţakëm nin dko dloŋ pa ppënan ipekadu yi baka. Baţij wa ţi ukëbi wi kaloona ki bayiti.

Bahebërë 5:3

Kë wi ajaaŋ abiişna ul ţi uleeful, awo i kado iţeŋan, Naşibaţi ahilna apënan ipekadu yi nul na yi bañaaŋ bŧi.

Baromeŋ 8:3

Bgah bi Moyiŧ baanhil pdo haŋ, ţiki iko yi uleef wi nja uŋaluŋ ido kë bgah baanka mnhina maŋ. Kë Naşibaţi aşë buuran nja wi ayiluŋ Abukul abi ji ñaaŋ najën abot awo bţeŋan pa pyeenkar nja kakob pa ipekadu yi nja.

Bgah 16:11

« Kë hënk di Aaron awooŋ i kado pa ul ţi uleeful na biki katohul : aţij uwit ukaş wi bţeŋan bi ppënan ipekadu kafaal wa, nji Nawat Kabuka nşë miir ipekadu yi nul na yi biki katohul.

Bgah 16:6

Wal wi akfiŋuŋ uwit ukaş pa ppënan ipekadu yi nul ţi uleeful na yi biki katohul,

Bgah 8:12

Akak ajeeş ukëra ţi bkow bi Aaron, akëra kadolna ayiman.

Bahebërë 9:12

Abi neej neej byaaş bloolan du dko dyimanaan, aantul da pñaak pi ŋpi ŋkaş na pi ŋgit ŋkaş : pñaak pi nul pi pi atuluŋ abuuranaan nja te mnţo.

Bgah 4:5

Naţeŋan naweek ayeenk pñaak ploŋ pi uwit wuŋ kañooţ du kaloona ki bayiti meeţ ;

Bgah 4:23

Woli badiimana kë ajubani, afiŋar Nawat Kabuka upi udow unwooŋ uunţakëm nin dko dloŋ.

Bgah 4:28

Woli badiimana kë ajubani, afiŋar Nawat Kabuka upi uwaaţ unwooŋ uunţakëm nin dko dloŋ, ahilna amiira.

Bgah 1:3

Woli unŧaam uweek wi wi aktëraduluŋ bŧi, añooţ uwit ukaş unwooŋ uunţakëm nin dko dloŋ, unwooŋ uunwo na ujad uloŋ du uneeji wi kaloona ki bayiti pa pyeenk bnuura bi Nawat Kabuka.

Bgah 1:10

« Woli ñaaŋ aŋal ptërad Nawat Kabuka unŧaam umpoţi bŧi awo kajej unkaneel ukaş këme upi ukaş ŋanwooŋ ŋaanţakëm nin dko dloŋ, abot awo ŋaanwo na ujad.

Bgah 9:3

Woli ido kşë ji na babuk Iŧrayel : “Najejan upi udow naţeŋan Nawat Kabuka ahilna amiiran ipekadu, najejan kak uwit ukaş na unkaneel ukaş ŋankaaŋ uşubal ŋanwooŋ ŋaanţakëm nin dko dloŋ këme awo na ujad uloŋ ŋi naktëruŋ bŧi.

Bgah 16:3

« Hënk di di Aaron awooŋ kado ji abi ado kaneej du dko dyimanaan maakan mënţ : aţij uwit ukaş wi bţeŋan bi ppënan ipekadu, na unkaneel ukaş wi baktëraduŋ bŧi nji Nawat Kabuka.

Bgah 16:5

« Babuk Iŧrayel bawo kawula ŋpi ŋdow ŋtëb ŋankwooŋ ŋi bţeŋan bi ppënan ipekadu na unkaneel ukaş wi baktëraduŋ bŧi nji Nawat Kabuka.