Baromeŋ 7:1 - Mankanya

¹ An bayiţ naan, dme kë name bgah bi Moyiŧ bnuura, name keeri kë bgah bawo pa ñaaŋ ado kaţaş ba wal wi awooŋ aando bi keţ.

Baromeŋ 7:1 Referans Kwoze

Baromeŋ 6:14

Na manjoonan, pekadu daankak ahinan nin uko uloŋ ţi an : naankak awo ţi mnhina mi bgah bi Moyiŧ, nawo ţi bnuura bi Naşibaţi.

Baromeŋ 7:6

Kë ŋşë wo ŋënkak awo hënkuŋ ţi mnhina mi bgah. Ŋwo ji bañaaŋ bankeţuŋ, kë bgah baankak aka mnhina ţi nja. Uhaaş wi Naşibaţi udo kë ŋhinan plempara ţi udolade uhalu ; awo ŋënkak awo ţi mnhina mi bgah bi Moyiŧ ji ţfa.

Baromeŋ 6:3

Naamme kë nja bŧi ŋnyeenknuŋ batiŧmu ţi Yeŧu Kriŧtu, ŋyeenk yeenk batiŧmu ţi pkeţ pi nul i ?

Baromeŋ 10:1

An bayiţ naan, uko wi nji nŋaluŋ maakan ţi uhaaş naan, uko wi nji kañehandëruŋ bayuday Naşibaţi, uwo babuur.

Galaŧiya 4:21

Naţupaan, an nanŋaluŋ bgah bi Moyiŧ bado kaţoŋan, naanji naŧiink uko wi Moyiŧ apiiŧuŋ i ?

Baromeŋ 9:3

Ddoo hokan hokan Naşibaţi afëpën nji ţi uleef wi naan mbot nlow Kriŧtu pa bnuura bi bayiţ naan, biki pntaali pi naan.

1 Korinŧ 9:8

Dţiiniyaan iko yi bañaaŋ bajën bajaaŋ bado nahilna nayikrën, kë Bgah bi Moyiŧ bakak aţiiniyaan uko mënţ kak.

Baromeŋ 1:13

Bayiţ naan, dŋal name kë djon ŋal pbi du an, kë Naşibaţi aşë wo aandinanaan te hënkuŋ. Dŋal kalemp ţi pŧoofan kawin ulemp mënţ uwul uko unuura, jibi udooŋ abi wo du ŋŧaak ŋloŋ.

Baromeŋ 10:4

Na manjoonan bgah bi Moyiŧ badolun hënkuŋ kë ŋban du Kriŧtu, banfiyaaruluŋ bŧi bawoona baŧool ţi kadun ki Naşibaţi.