18 Hënkuŋ nabuur ţi pekadu akak aji nado iko inwooŋ iŧool.
Hënkuŋ wi nabuuruŋ pekadu akak alempar Naşibaţi na ŋhaaşan bŧi, uko wi nakkaaŋ uwo ubida uyimanaan na pka ţi ubaañşaani ubida wi mnţo.
Kriŧtu abuuran un ŋhilna ŋwo bajeeh na manjoonan. Namëbaan keeri naliinŧ nawutna kakak ţi pjuuk.
Hënkuŋ iţaş Uhaaş wi Naşibaţi unjaaŋ uţëpna ţi Yeŧu Kriŧtu kawulu ubida, ubuuraniiŋ pekadu na pkeţ.
Naluŋ kame manjoonan, manjoonan mënţ mankluŋ kabuuranan. »
Ŋme kë ñaaŋ ankeţuŋ abuur pekadu.
Na manjoonan, pekadu daankak ahinan nin uko uloŋ ţi an : naankak awo ţi mnhina mi bgah bi Moyiŧ, nawo ţi bnuura bi Naşibaţi.
Nawoon bañaaŋ bajeeh ţi mnwo mi nan, mënţ bjeehi mënţ bakkaaŋ nado kado iko iwuţaan ; bawo kaţëp ţëp kadolan nado kalempar Naşibaţi.
Woli Abuk Naşibaţi abuuranan, nabuur na manjoonan.
« Uhaaş wi Ajugun uwo ţi nji adatën aji nţup bajuuk Uţup Ulil Unuura. Ayilën nji na bakalabuş baluŋ kawutan baka nji na bakuul baluŋ kawin, mbuuran bambiinkniiŋ biki baknooranuŋ.
