Baromeŋ 4:11 - Mankanya

¹¹ Ayeenk pwala kaŧëmp kë pawo uko uloŋ unkyuujuŋ kë Naşibaţi adobi dolaara do kë awo naŧool ţi kadunul wi afiyaaruluŋ. Kë hënk di akakuŋ aşin bañaaŋ bŧi banwooŋ baanya kaŧëmp aşë fiyaar Naşibaţi, Naşibaţi aji bawo baŧool ţi kadunul.

Baromeŋ 4:11 Referans Kwoze

Baromeŋ 3:22

Naşibaţi aji do bañaaŋ bawo baŧool ţi kadunul wi bafiyaaruŋ Yeŧu Kriŧtu. Aji do haŋ pa bañaaŋ bŧi banfiyaaruŋ Kriŧtu bawo baloolan ţi kadunul.

Luk 19:9

Yeŧu kë aşë ji na a : « Naşibaţi abuuran nţa bañaaŋ biki katoh ki, iwi kak iwo abuk Abraham.

Bahebërë 11:7

Pfiyaar pakaaŋ kë Nowe aŧiink uko wi Naşibaţi aţupuluŋ unwooŋ uundo bi winana. Amëban bnuura uko wi Naşibaţi ajakuŋ, aboman upuur abuuranaan biki katohul bŧi. Pfiyaar mënţ pakaaŋ kë adiiman kë umundu uduknaanaa, aţëpna ţi pa, awo naŧool ţi këş ki Naşibaţi.

2 Korinŧ 1:22

adiiman kë ŋwo biki nul wi aţuuŋ uhaaş wi nul ţi nja, wul uwooŋ uko ujuni ţi iko yi ahoŋuŋ aji aluŋ kawul nja.

Filipiya 3:9

Kë ţi a di nwoonuŋ naŧool ţi kadun ki Naşibaţi, pwo naŧool pi pţaş bgah pawooŋ paanhil pwulën. Woli dfiyaar Yeŧu ţañ di nhiluŋ kawinana pwo naŧool ţi këş ki Naşibaţi.

Efeŧ 4:30

Nawutan kaţu Uhaaş wi Naşibaţi ujooţan ; Uhaaş wi nul wi aţu'anaŋ wi wi akluŋ kayikrënaanan ţi unuur wi mbuur.

Efeŧ 1:13

An kak namëbandër na Kriŧtu wi naŧiinkuŋ uţup wi manjoonan, Uţup Ulil Unuura unkbuurananaŋ. Kë wi nafiyaaruŋ, Naşibaţi awulan Uhaaş wi nul wi ahoŋuŋ kadiiman kë nawo biki nul.

Galaŧiya 6:16

Mnjeeh na mñaga mi Naşibaţi mawoon ţi bañaaŋ bŧi bankţaşuŋ uko wi mbaaŋ aţup ţup, banwooŋ pntaali pi Naşibaţi.

Galaŧiya 5:5

Kë un, uko wi ŋhaţuŋ, uwo kë ŋwoona baŧool ţi këş ki Naşibaţi ţi pfiyaar. Uko waŋ, uwooŋ uko wi Uhaaş wi Naşibaţi ukţënkuŋ un pyoonk.

Galaŧiya 3:29

Kë woli nawo i Kriŧtu nawo keeri biki pşini pi Abraham, abot awo ţi bankyeenkuŋ uko wi Naşibaţi ahoŋuŋ Abraham.

Galaŧiya 3:22

Kë Ulibra wi Naşibaţi uşë ji kë bañaaŋ na iko bŧi bawo ţi pekadu. Hënk, banfiyaaruŋ ţi Yeŧu Kriŧtu baţëpna ţi pfiyaar kayeenk uko wi Naşibaţi ahoŋuŋ.

Galaŧiya 3:7

Nameen uko wi keeri : banfiyaaruŋ bawooŋ babuk Abraham.

Baromeŋ 10:11

Hënk di di Ulibra wi Naşibaţi ujakuŋ : « Bañaaŋ bŧi banfiyaaruluŋ baankkowa. »

Baromeŋ 10:6

Kë uţup wi Naşibaţi aţupuŋ ţi pwo naŧool panwoonuŋ du pfiyaar uşë ji : Kdo kaji ţi uşalu : « In akluŋ kapaya baţi ? » Kriŧtu aando bi wala wala ţi ba i ?

Baromeŋ 10:4

Na manjoonan bgah bi Moyiŧ badolun hënkuŋ kë ŋban du Kriŧtu, banfiyaaruluŋ bŧi bawoona baŧool ţi kadun ki Naşibaţi.

Yowan 6:35

Kë aji na baka : « Nji, dwooŋ pde panjaaŋ pawul ubida. Ñaaŋ ankmbiiŋ ţi nji, nin ubon uunkak ade'a, kë ñaaŋ anfiyaarnuŋ, nin udaan uunkak aţija.

Uko wi ayuujuŋ Yowan 9:4

Baneenan ŋa pban ujaagal na mnko, ŋawut kaban nin uko uloŋ unjaaŋ umay ţi mboş. Bañaaŋ banwooŋ baanwo na uko unkyuujuŋ kë bawo biki Naşibaţi ţi ijuk ţañ biki ŋawooŋ i katap.

2 Piyeer 1:1

Nji Ŧimoŋ Piyeer nwooŋ nalempar Yeŧu Kriŧtu akuţ awo nanjañan i nul dpiiŧanaŋ, an biki Yeŧu Kriŧtu Naşibaţi, Nabuuran nja adoluŋ ţi pwo naŧool pi ŧul kë nafiyaar pfiyaar panliŋuŋ na pi nun.

Baromeŋ 9:30

Kë we wi ŋwooŋ kate ţi uko waŋ ? Wii wi : bañaaŋ banwooŋ baanwo bayuday banwooŋ baankla ţfa pwo baŧool ţi kadun ki Naşibaţi, bakak baŧool ţi kadunul ţiki bafiyaara.

Baromeŋ 9:6

Uko undoluŋ pntaali pi Iŧrayel kakşa uunwo kë Naşibaţi aando uko wi ahoŋuŋ. Uko unwooŋ uwo kë mënţ bañaaŋ biki Iŧrayel bŧi bawooŋ biki pntaali pi Naşibaţi.

Yowan 8:33

Kë baŧeema aji : « Ŋwo biki pntaali pi Abraham, kë nin ñaaŋ aambaaŋ kajuuknţënun. Hum di di ihiluŋ kaji ŋluŋ kabuur ? »

Yowan 6:47

Dţupan na manjoonan, ñaaŋ anfiyaarnuŋ aka ubida wi mnţo.

Yowan 6:40

Uko wi Paapa aŋaluŋ wii wi : ñaaŋ andekuŋ këş ţi nji Abukul abot afiyaaraan aka ubida wi mnţo, nşë naţana ţi unuur ubaañşaani. »

Yowan 3:36

Anfiyaaruŋ Abukul aka ubida wi mnţo ; anwooŋ aandi pŧiinka aankka ubida mënţ ; udeeb wi Naşibaţi uji uwo ţi a. »

Maci 16:16

Ŧimoŋ Piyeer kë aŧeema aji : « Iwo Kriŧtu, Abuk Naşibaţi ajug ubida. »

Maci 8:11

Dţupan, baŧum baluŋ kawoona ŋŧaak bŧi ŋi umundu, kaţo kade du Pşih pi Baţi na Abraham, Iŧaak, na Yakob bateemun.

Ppën 12:13

Pñaak pakyuujuŋ kë nawo ţi itoh mënţ. Woli dwin pa, kaţëp ţëp mënkkoban wi nji kapënuŋ pkob uŧaak wi Ejiptu.

Baromeŋ 9:33

Hënk di di upiiŧaniiŋ ţi Ulibra wi Naşibaţi aji : « Tenan ! Dţu plaak ploŋ du Ŧiyoŋ. Plaak pa pdo bañaaŋ bahubta babot bajot. Kë banfiyaaruŋ plaak mënţ başë wo baankkowa nin. »

Ujuni 17:24

Abraham aka ŋşubal iñeen kañeen kaloŋ na ŋşubal kañeen kaloŋ (99) wi awaliiŋ kaŧëmp,

Yowan 3:33

Anfiyaaruŋ uţup wi nul adiiman kë adinan kë uko wi Naşibaţi ajakuŋ uwo manjoonan ;

Baromeŋ 3:30

Naşibaţi awoha aloolan, kë uko uloolan ţañ uwooŋ wi pdo kawoona naŧool ţi kadunul. Bañaaŋ baji bawo baŧool ţi kadunul woli bafiyaari, bawole bayuday këme woli baanwo bayuday.

Baromeŋ 4:10

Kë lum di di Naşibaţi ajakuŋ aji awo naŧool ţi kadunul ba ? Wi awaliiŋ kaŧëmp wa, këme ji abi ado kawala kaŧëmp ? Ji abi ado kawala kaŧëmp Naşibaţi aji awo naŧool.