Baromeŋ 3:29 - Mankanya

²⁹ Kë nşë hepar, Naşibaţi awo Naşibaţi i bayuday ţañ i ? Aanwo kak Naşibaţi i banwooŋ baanwo bayuday i ? Aa, awo kak Naşibaţi i banwooŋ baanwo bayuday.

Baromeŋ 3:29 Referans Kwoze

Koloŧ 3:11

Hënkuŋ uunkak aka nayuday na awooŋ aanwo nayuday, anwaliiŋ kaŧëmp na anwooŋ aanwala ka, ñaaŋ i uţeeh, këme anwooŋ aamme nin uko uloŋ ji bañaaŋ biki uŧaak wi Ŧit, ñaaŋ i bakjuuknţënuŋ ţi ulemp këme ñaaŋ najeeh ; Kriŧtu ţañ akaaŋ udooni abot awo ţi bañaaŋ banfiyaaruluŋ bŧi.

Efeŧ 3:6

Uko umbiiŋ amena wuŋ uwo kë banwooŋ baanwo bayuday bayeenk bnuura bi Naşibaţi ji bayuday, banaakiir akak uleef uloolan, ayeenk bŧi uko wi Naşibaţi ahoŋuŋ. Uko mënţ udolanaa ţiki bakak baloolan ţi Kriŧtu wi bafiyaaruŋ Uţup Ulil Unuura.

Galaŧiya 3:14

Yeŧu Kriŧtu ado haŋ banwooŋ baanwo bayuday bayeenkna bnuura bi Naşibaţi awuluŋ Abraham, ŋbot ŋyeenk un bŧi ţi pfiyaar, Uhaaş wi ahoŋuŋ.

Baromeŋ 15:16

adolën kë nji kalempar Yeŧu Kriŧtu ţi kadun ki banwooŋ baanwo bayuday. Dji kado ulemp uyimanaan wi pţup Uţup Ulil Unuura wi Naşibaţi, bañaaŋ biki ŋŧaak bŧi bahilna bawo uţen unliluŋ Naşibaţi wi uhaaş wi nul udoluŋ kë uyimani.

Baromeŋ 10:12

Hënk, uunka nayuday këme anwooŋ aanwo nayuday : bukal bŧi baka Ajug baka aloolan, anjaaŋ atuum bnuura bañaaŋ bŧi banţuuŋ mnhaţ mi baka ţi a.

Baromeŋ 1:16

Mënji kakowa pţup Uţup Ulil Unuura : uwo na manjoonan mnhina mi Naşibaţi pa mbuur mi bañaaŋ bŧi banfiyaaruŋ, kajunna duna du bayuday te du banwooŋ baanwo bayuday.

Ulemp 26:17

Dluŋ kayeŋu, ţi bayuday na banwooŋ baanwo bayuday biki nji kayiliiŋ iya.

Ulemp 22:21

Wi wi Ajugun aşaaŋ ajakën : “Yaani, dyilu dko dlow, du banwooŋ baanwo bayuday.” »

Ulemp 9:15

Kë Ajugun aşë jaka : « Yaani, ddat ñiinţ mënţan uŋ, pa adolën mmeeţana ţi banwooŋ baanwo bayuday, ţi başih biki baka, na ţi bayuday.

Maci 28:19

Nayaan keeri, nado bañaaŋ biki umundu bŧi bado kaţaşën, nabatŧaarën baka ţi katim ki Aşin naan, ki Abukul na ki Uhaaş wi Naşibaţi,

Maci 22:32

“Dwo Naşibaţi i Abraham, i Iŧaak, na i Yakob.” » Yeŧu akak aji na baka : « Naşibaţi awo i bañaaŋ bajeb, aanwo i bankeţuŋ. »

Kañaam 67:2

Dñehan Naşibaţi añaga nja, awul nja bnuura, adiiman nja kaara di nul. Pnaţ ntiinku

Kañaam 22:7

Kë nji nşë wo mënwo ñaaŋ, dwo wo ji ukuŧ ; bañaaŋ babeŋën abot abeehën.

Ujuni 17:18

Wi wi aşaaŋ aji na Naşibaţi : « Dkooţu kooţ, wutan Işmayel ayeenk uko wi ihoŋnuŋ ! »

Ulemp 10:34

Kë Ŧimoŋ Piyeer aşë ţiini na bañaaŋ aji : « Dbaaŋ ayikrën kë Naşibaţi aanji paţşër.