Bahebërë 11:27 - Mankanya

²⁷ Pfiyaar pakaaŋ kë apën du Ejiptu, awo aanţo aten udeeb wi naşih, amëban aliinŧ ji ñaaŋ anwinuŋ Naşibaţi anwooŋ aanhil kawinana.

Bahebërë 11:27 Referans Kwoze

Bahebërë 11:13

Bañaaŋ bakaŋ mënţ bŧi bafiyaar adoo keţ bë baanyeenk iko yi Naşibaţi ahoŋuŋ, aşë winaara ya du kalowan akuţ alilandër ya. Badinan ţi kadun ki bañaaŋ aji bawo wo bayaanţ ţi mboş mi, baanwo biki umundu wi.

2 Korinŧ 4:18

Hënk, ŋënji ŋţu ŋşal ţi iko inkwinaniiŋ, ŋji ŋţu ŋa ţi inwooŋ iinwinanaa ; iko injaaŋ iwinana iinji ijon, kë inwooŋ iinwinanaa işë wo yi mnţo.

Bahebërë 11:1

Woli ŋfiyaar Naşibaţi, ŋji ŋme na manjoonan kë ŋluŋ kayeenk uko wi ŋhaţuŋ, ŋme bnuura kë iko yi ŋwooŋ ŋënwini, iwoo abot ajoonan.

Yakob 5:11

Nawini ŋji ŋji bañaaŋ bantamanuŋ ţi kamiir banuurandëni. Naŧiink jibi Yob atamani ţi kamiir. Name kak uko wi Ajugun adooŋ pa a, ţiki Ajugun aŧum na bnuura na mnñaga.

Ppën 11:8

Wal mënţ banjaaŋ baţënku pşih bŧi babi kajot ţi ihoţ yi naan kakooţën kaji : “Yaani, iwi na bañaaŋ bankţaşiiŋ bŧi.” Uko waŋ uţëple kaşë ya. » Wal mënţ kë Moyiŧ aşë pën du uko Farawuna na udeeb uweek.

Ppën 4:19

Yawe Nawat Kabuka aji wal mënţ na Moyiŧ du uŧaak wi Madiyan : « Yaani, kakan Ejiptu ţiki banklaaŋ pfiŋu bŧi bakeţi. »

1 Piyeer 1:8

Naambaaŋ kawina Yeŧu aşë ŋala ; nafiyaara te naando bi wina te hënkuŋ, ukaaŋ kë nawo na mnlilan mnweek maakan mi ñaaŋ awooŋ aanhil pţup,

Bahebërë 10:32

Naleşan uko undolanaŋ du ujuni wi nayeenkuŋ bjeehi bi Naşibaţi. Ţuŋ ŋwal mënţ nawin mnhaj mnweek aşë mëban aliinŧ.

1 Timote 1:17

Iwi inwooŋ Naşih te mnţo, iwi inwooŋ iinkba, iwi i nin ñaaŋ aloŋ awooŋ aanhil pwin, iwi inwooŋ aloolan ţañ, pdëm na mndëm manwo ţi iwi te mnţo. Uwo haŋ.

1 Korinŧ 13:7

aji miir ţi iko bŧi, aanji ţañan pfiyaar, aanji ţañan phaţ ţi Naşibaţi, kataman ţi iko bŧi.

Maci 10:22

Bañaaŋ bŧi başooran ţiki nafiyaarën ; kë anşaaŋ amëban kaliinŧan te kaban, abuur.

Ppën 12:11

Hënk di di nakdeeŋ wa : natan blaañ ţi blank, kawoh işapaat, kamëban pmul ţi kañen. Nadeen wa naŧaran ŧaran. Uwo Ufeŧtu wi Mbuur wi Nawat Kabuka.

Bahebërë 6:15

Kë Abraham aţo amiir ayeenk uko wi Naşibaţi ahoŋuluŋ.

1 Timote 6:16

Ul ţañ awooŋ aankkeţ, afëţ du bjeehi bi nin ñaaŋ awooŋ aanhil pban, ul i i nin ñaaŋ awooŋ aambaaŋ kawina këme kahil pwin. Ul awooŋ na mndëm na mnhina te mnţo ! Uwo haŋ !

Ulemp 2:25

Dayiţ aţiiniyaana aji : “Wal undoli dji kawin Ajugun ţi kadun ki naan, iñogën ukaaŋ kë nnaţ aliinŧ.

Markuŧ 13:13

Katim ki naan kaţu bañaaŋ bŧi başooran. Kë anşaaŋ amëban kaliinŧ te kaban, abuur. »

Markuŧ 4:17

aşë wo baanka intaañ, baanji baţijan kaliinŧan. Wi Uţup ukţu'aŋ ţu bajun pnooran baka këme phajan baka baji babi wutan wutan.

Maci 24:13

Kë ñaaŋ anşaaŋ amëban ţi nji aliinŧ ŋnuur bŧi, uŋ mënţan aluŋ kabuur.

Kañaam 16:8

Dji kaţu Nawat Kabuka ţi kadun naan wal undoli ; wi awooŋ ţi kadeenu ki naan, mënji kalënk.

Ppën 12:50

Biki Iŧrayel bŧi bado uko wi Nawat Kabuka ajakuŋ na Moyiŧ na Aaron.

Koloŧ 1:15

Nin ñaaŋ aambaaŋ kawina Naşibaţi, ţi mnwo mi abukul mënţ mi mi ŋwinuluŋ. Ul awooŋ naŧeek, akşihuŋ iko bŧi impaşaniiŋ,