2 Korinŧ 7:10 - Mankanya

¹⁰ Na manjoonan, pjooţan pi Naşibaţi ajaaŋ aţu ñaaŋ paji pdola aţëlëş mnwo mi nul, kadola abuur, aanji dug umeli. Kë pjooţan pi uşal wi iko yi umundu paşë ji paţij pkeţ.

2 Korinŧ 7:10 Referans Kwoze

Ulemp 3:19

Keeri nawutan pjuban, nakak du Naşibaţi ipekadu yi nan ihilna ipën.

Ulemp 11:18

Wi baŧiinkuŋ haŋ aşë walan ŋhaaş, adëman Naşibaţi aji : « Manjoonan ma keeri, banwooŋ baanwo bayuday bahil kakak du Naşibaţi kakuţ kaka ubida wi manjoonan, Naşibaţi aţenuŋ baka wa. »

Luk 18:13

Nakobraar daaşa ul kë aşë naţ alow, aandoo ñoom pkat këş katen baţi, aşë kuŋa iñen, aji : “Iwi Naşibaţi, ñagi'aan, nji nwooŋ nado buţaan.” »

Luk 15:10

Hënk di mnlilan manjaaŋ manwo ţi ŋwanjuŧ ŋi Naşibaţi pa nado buţaan aloolan anţëlşuŋ ubida. »

Yonaŧ 3:10

Wi Naşibaţi awinuŋ iko yi badoluŋ na jibi bakdoonaanuŋ pa pwut buţaan, aguban pdo uko wi ajakuŋ, aanŧok ubeeka wi baka. Aando uko mënţ.

Bahebërë 12:17

Name kë wi abiiŋ aţo aban ţuŋ, abi ŋal pyeenk ubeeb wi aşin ţi pwo bajeen, kë başë dooka. Ado na pwooni kadolna aşin apënan uko mënţ aşë wo aanhili.

Yonaŧ 4:9

Kë Naşibaţi aşë hepara aji : « Ifaŋaari wi ideebaţuŋ ţi uko wi bko buŋ i ? » Kë Yonaŧ aŧeema aji : « Aa, ddo bnuura wi ndeebaţuŋ ţi uko wi bko buŋ adoo hokan kakeţ. »

2 Korinŧ 12:21

Dţi woli dluŋ abi du an, Naşibaţi i naan adolën kakowari'an, nţëga ţi uko wi baŧum bahumuŋ ţi pekadu ji ţfa awo baampën ţi iko iţop, ţi pjuban pi piinţ na iko iloŋ iwuţaan.

Maci 26:75

Kë Piyeer aşë leş uko wi Yeŧu abiiŋ ajaka : « Ji uguk udo kahaan, ipok ŋyaaş ŋwajanţ kaji iimme ën. » Apën bdig aşë wooni maakan.

Yonaŧ 3:8

Bañaaŋ na ŋnŧaam bawo kagurada ŋşaaku ; andoli awo kañehan Naşibaţi maakan, kakuţ kawut buţaan na iko inwooŋ iinwo iŧool yi akdoluŋ.

Ujuni 30:1

Wi Rakel awinuŋ kë aanhil pbukar Yakob bapoţ, aşë kak akuj ţmakul, aji na ayinul : « Woli iinwulën bapoţ, kakeţ. »

2 Korinŧ 7:9

kë nşë lilan hënkuŋ, mënţ ţi uko wi najooţanuŋ wa : dlilan ţi uko wi pjooţan mënţ padolanaŋ kë naţëlëş mnwo mi nan. Pjooţan mënţ pawo jibi Naşibaţi aŋaluŋ pawo, ŋëndolan keeri nin uko uloŋ uwuţaan.